Glawk-Leedah 3:30 - Pennsylvania Dutch Bible

³⁰ Eah sett sich uf da bakka shlauwa lossa, un's ohnemma vann eah faniddaht vatt.

Glawk-Leedah 3:30 Referans Kwoze

Jesoiya 50:6

Ich habb mei bukkel zu selli gedrayt es mich fashlauwa henn, un mei bakka zu selli es mei boaht grobt henn. Ich habb mei ksicht nett vekk gedrayt funn selli es mich fashpott un fashpautzt henn.

Hiob 16:10

Leit macha iahra maul uf un shvetza geyyich mich; si shlauwa mich uf da bakka; si gayn zammah fa geyyich mich shaffa.

Matthäus 26:67

No henn si eem in's ksicht kshpautzt un henn een kshlauwa mitt di feisht. Dayl henn een kshlauwa mitt di blutt hand,

Matthäus 5:39

Avvah ich sawk eich; diah sellet nett zrikk fechta geyyich en evilah mensh. Vann ebbah eich uf da rechts bakka shlakt, sellet diah da annah bakka aw annah hayva.

2. Korinther 11:20

Fa diah nemmet's oh vann ebbah eich gnechta macht, vann eah eich fangd un diah vaddet gnumma bei eem, vann eah nunnah gukt uf eich un shlakt eich in's ksicht.

Lukas 6:29

Vann ebbah dich uf da bakka shlakt, hayb dei anra aw anna fa een; un vann ebbah dei ivvah-rokk vekk nemd, loss een dei vammes aw nemma.

Micha 5:1

Nau geddah dei greeks-gnechta zammah, du dochtah funn Zion; si henn uns umringd. Mitt en root shlauwa si da richtah funn Israel uf da bakka.

Psalm 123:3

Sei gnaydich, oh Hah, sei gnaydich zu uns, fa miah sinn feel fa'acht vadda.

Psalm 69:20

Kshvetzah es em grikt henn mei hatz fabrocha, un's is miah falayt. Ich habb gegukt fa drohsht, avvah's voah kennah, un fa mitt-leidah, avvah ich habb kenni kfunna.

Psalm 69:9

Di leevi fa dei haus hott mich innahlich fazeaht, un di evila kshvetzah veyyich diah sinn nau uf mich kfalla.

Hiob 30:10

Ich binn grausam zu eena un si halda sich vekk funn miah, un shemma sich nett fa in mei ksicht shpautza.