Glawk-Leedah 3:2 - Pennsylvania Dutch Bible

² Eah hott mich gedrivva un mich gmacht lawfa, im dunkla un nett im licht.

Glawk-Leedah 3:2 Referans Kwoze

Jesoiya 59:9

So di leit iahra recht is veit vekk funn uns, un gerechtichkeit langd uns nett. Miah gukka fa gerechtichkeit, avvah alles is dunkel, fa helling, avvah miah lawfa im deefa shadda.

Hiob 30:26

Avvah vo ich koft habb fa goodes sayna, is evil kumma; vo ich gvoaht habb fa helling, is es dunkla kumma.

Judas 1:13

Si sinn vildi vella fumm say un iahra shohm is vi da shaum fumm say. Si sinn shtanna es ab funn iahra pawt kumma sinn, un di dunkel finshtahnis is am ayvichlich kohva vadda fa si.

Judas 1:6

Un aw di engel vo iahra blatz nett kalda henn, avvah henn iahra voon-blatz falossa, dee hott eah im dunkla kalda, uf gebunna in kedda fa gricht vadda in sellem grohsa dawk.

Glawk-Leedah 2:1

Vi oahrich hott da Hah di Dochtah Zion zu gedekt mitt di volk funn sei zann! Eah hott di hallichkeit funn Israel runnah kshmissa fumm himmel uf di eaht. Eah hott nett an sei foos-shtool gedenkt im dawk funn seim zann.

Jeremia 13:16

Gevvet hallichkeit zumm Hah eiyah Gott eb eah's dunkel macht, eb eiyah fees shtolbahra uf di dunkla hivla. Diah vinshet fa helling avvah eah macht's shvatz dunkel, un macht alles dreeb.

Jeremia 4:23

Ich habb uf di eaht gegukt, un si voah veesht un leah; an di himla, un si voahra dunkel.

Hiob 18:18

Eah is fumm licht in's dunkla gedrivva, un is vekk gedrivva funn di leit in di veld.

5. Mosi 28:29

An di mitt fumm dawk zayla diah rumm shtolbahra vi en blindah mann im dunkla. Nix es diah doond zayld ausshaffa. Dawk noch dawk zaylet diah grawbt vadda un nunnah gedredda sei, un's zayld nimmand sei fa eich helfa.