Glawk-Leedah 2:18 - Pennsylvania Dutch Bible

¹⁸ Di hatza funn di leit roofa naus zumm Hah, “Oh mavvah funn di Dochtah Jerusalem, loss dei awwa-vassah lawfa vi en revvah dawk un nacht; gebb diah selvaht kenn roo un loss dei awwa nett ufheahra heila.”

Glawk-Leedah 2:18 Referans Kwoze

Psalm 119:145

Ich roof zu diah mitt mei gans hatz, gebb andvat, oh Hah; ich zayl dei gebodda halda.

Glawk-Leedah 2:8

Da Hah hott ausgmacht fa di vand funn di Dochtah Zion nunnah reisa. Eah hott en mess-shnuah an di vand nohch kshtrekt, un hott sei hand nett zrikk kohva, biss eah di ausah un innahlich vand nunnah grissa katt hott; si henn alles zammah uf em bodda gleyya.

Glawk-Leedah 1:16

Dess is favass es ich heila du, un's awwa-vassah aus mei awwa kumd. 'Sis nimmand nayksht fa mich drayshta, nimmand fa mei sayl fagrefticha. Mei kinnah sinn unni hofning, veil da feind ivvah-hand gnumma hott.”

Jeremia 9:1

Oh, ich vott mei kobb veah en vassah-brunna, un mei awwa en vassah-shpring funn awwa-vassah, so es ich heila kend dawk un nacht fa mei leit es doht gmacht voahra!

Psalm 119:136

Es awwa-vassah lawft aus mei awwa, veil leit dei ksetz nett halda.

Habakuk 2:11

Di shtay in di vand roofa naus, un di balka un's hols zayla andvat gevva.

Hosea 7:14

Si roofa nett zu miah mitt ufrichtichi hatza, avvah si yammahra uf iahra beddah. Si kumma zammah fa frucht un neiyah vei, avvah drayya sich vekk funn miah.

Glawk-Leedah 1:2

See heild biddahlich in di nacht, 's awwa-vassah lawft ivvah iahra bakka nunnah. See hott nimmand fa sich drayshta, unnich awl selli es see als gleebt henn. Awl iahra freind sinn vekk gedrayt funn iahra, un sinn iahra feind vadda.

Jeremia 14:17

Du solsht dess vatt sawwa zu eena: ‘Loss mei awwa-vassah ivvah-lawfa, loss es lawfa dawk un nacht unni ufheahra; fa mei leit, es sinn vi en unkeiyaht maydel zu miah, sinn veesht vay gedu, un sinn veesht kshlauwa vadda.

Jeremia 13:17

Vann diah nett abheichet, dann muss ich laynich heila ivvah hohchmoot vi sell; mei awwa doon biddahlich heila, un's awwa-vassah lawft, veil em Hah sei drubb shohf kfanga sei zayld.

Jeremia 4:31

Ich heah ebbah am greisha, vi en fraw am en kind havva, en geyammah vi ayni am iahra eahsht kind havva. Di Dochtah funn Zion is am greisha un hatt shnaufa, am iahra hend naus shtrekka un sawwa, “Vay zu miah, ich binn faddich, si zayla mich umbringa.”