Ezra 5:11 - Pennsylvania Dutch Bible

¹¹ Dess is vass si uns ksawt henn: ‘Miah sinn di gnechta funn da Gott fumm himmel un di eaht, un miah sinn am da tempel ivvah bauwa es gebaut voah yoahra zrikk bei ayns funn Israel iahra grayshti kaynicha.

Ezra 5:11 Referans Kwoze

Galater 6:14

Avvah loss es nee nett sei es ich braekka du, unni vi yusht im greitz funn unsahm Hah Jesus Christus, deich deah vo di veld gegreitzicht is vadda zu miah, un ich zu di veld.

Römer 6:16

Visset diah nett vann diah eich ivvah gevvet es gnechta zu ebbah, dann gevvet diah eich ivvah fa eem heicha? Dess is eb diah eich ivvah gevvet zu sinda vo zumm doht fiaht, adda fa Gott heicha vo zu gerechtichkeit fiaht.

Römer 1:16

Ich shemm mich nett veyyich em Effangaylium funn Christus, fa's is di graft funn Gott vo saylich macht, zu alli-ebbah es glawbt, seahsht zu di Yudda, un aw zu di Greeyisha.

Di Apostelgeschichte 27:23

Letsht nacht hott en engel bei miah kshtanna. Eah is kumma funn Gott vo mich aykend, un deah vo ich deena du.

Lukas 12:8

Un ich sawk eich, veah-evvah es mich bekend fannich leit, da Mensha Sohn dutt een aw bekenna fannich di engel funn Gott;

Matthäus 10:32

Alli-ebbah es mich bekend fannich di leit, sellah zayl ich bekenna zu meim Faddah im Himmel.

Jona 1:9

Eah hott eena ksawt, “Ich binn en Hebrayah, un habb en furcht fumm Hah, da Gott fumm himmel. Dess is deah es da say un's drukka land gmacht hott.”

Daniel 3:26

Da Nebukadnezar is no nuff an's doah fumm gleedicha offa ganga un hott gegrisha, “Shadrach, Meshach un Abednego, diah gnechta fumm Alli-Haychshta Gott, kummet raus; kummet do heah!” No is da Shadrach, da Meshach un da Abednego aus em feiyah kumma.

Psalm 119:46

Ich zayl shvetza veyyich dei zeiknisa fannich kaynicha, un ich zayl mich nett shemma.

Joshua 24:15

Vann's eich nett kfald fa da Hah deena, dann machet heit eiyah meind uf veah diah deena vellet—di abgettah es eiyah foah-feddah gedeend henn uf di annah seit fumm Revvah, adda di gettah funn di Amoriddah do vo diah voonet. Avvah so veit es es mich un mei family ohgayt, miah zayla da Hah deena.”

1. Kaynicha 6:38

Un im elfta yoah funn seim reich, im achta moonet Bul, voah da tempel faddich gmacht grawt vi eah sei hott sella. Es hott da Solomon sivva yoah gnumma fa da tempel bauwa.

Ezra 5:10

Miah henn si aw kfrohkt fa iahra nayma, so es miah di nayma funn iahra foah-gengah nunnah shreiva kenna fa dich.

Psalm 136:26

Danket da Gott fumm himmel, fa sei shtandhaftichi-leevi bleibt ayvichlich.

1. Mosi 24:3

Ich vill havva es du shveahsht beim Hah, da Gott fumm himmel un da Gott funn di eaht, es du kenn fraw nemsht fa mei boo funn di Kanaaniddishi veibsleit do vo miah voona.

1. Kaynicha 9:10

Am end funn di zvansich yoah es da Solomon di zvay heisah gebaut katt hott—da tempel fumm Hah un's kaynich-haus—