Epheser 5:11 - Pennsylvania Dutch Bible

¹¹ un hend nix zu du mitt di unfruchtboahri verka vass in di dunkelheit heahra; leevah bringet si raus in's licht.

Epheser 5:11 Referans Kwoze

Römer 13:12

Di nacht is shiah ivvah, da dawk is glei do. So vella nimmi lengah di sacha du vass zu di dunkelheit heaht, avvah vella's greeks-ksha fumm licht ohdu.

1. Timotheus 5:20

Selli vo sindicha, solsht shtrohfa fannich awl di anra, so es di anra sich aw feicha.

2. Thessalonicher 3:6

Nau, leevi breedah, miah gevva eich's gebott im nohma fumm Hah Jesus Christus, es diah eich vekk haldet funn ennichah broodah es en faul un unshiklich layva fiaht un nett lawft im vayk es miah eich gland henn.

Römer 16:17

Ich famohn eich, leevi breedah, vatshet selli es shpaldinga bringa un eich zrikk hayva, sell vass annahshtah is funn vass diah gland hend. Haldet eich vekk funn selli.

Di Offenbarung 18:4

No habb ich noch en shtimm fumm Himmel keaht sawwa, “Kummet raus funn iahra, mei leit, so es diah nett en dayl hend mitt iahra sinda, un es diah nett ennichs funn iahra blohwa greeyet.

Titus 2:15

Dess sinn di sacha es du sawwa solsht. Famohn un shtrohf di leit vi aynah es es recht hott fa shtrohfa. Loss nimmand dich fa'achta.

2. Thessalonicher 3:14

Vann ennich ebbah's nett dutt fa heicha zu unsah vadda in demm breef, vatshet een un hend nix zu du mitt eem, so es eah sich shemd.

Römer 6:21

Vass hott's eich gebatt fa selli sacha du es diah nau eich shemmet diveyya? Fa's end funn selli sacha is da doht.

2. Timotheus 4:2

Breddich's Vatt, hald oh mitt eahnsht eb's shiklich is adda nett, un mach si sayna vo si letz sinn. Vann si un famohn si, un sei geduldich vi du si lansht.

2. Timotheus 3:5

Si hayva oh zu en shein funn Gottheit, avvah si falaykla di graft difunn. Hald dich vekk funn so leit.

Galater 6:8

Deah vo sayt noch seim flaysh, eah zayld sell eahnda vass noch em flaysh fadaubt, avvah deah vo sayt noch em Geisht, eah zayld fumm Geisht ayvich layva eahnda.

Shpricha 29:1

En mann es oft gvand voah un is alsnoch dikk-kebbich, zayld bletzlich gebrocha sei unni hilf.

Shpricha 13:18

Veah's nett ohnemd vann eah recht ksetzt vatt, hott oahmoot un shanda, avvah sellah es es ohnemd is hohch ohksenna.

3. Mosi 19:17

Du solsht kenn hass halda in deim hatz geyyich ennich ebbah, avvah du daufsht dei nochbah recht setza, so es du kenn dayl hosht in sei shuld.

1. Thessalonicher 5:7

Fa selli vo shlohfa, shlohfa deich di nacht, un selli vo ksoffa vadda, vadda ksoffa deich di nacht.

Lukas 3:19

Avvah da kaynich, Herodes, deah vo da Johannes gezankt katt hott fa di Herodias heiyahra, un aw fa awl di anra evili sacha es eah gedu hott,

Epheser 5:7

Fasell, seind nett mitt-helfah mitt sohwichi.

Epheser 4:22

So layyet nau ab funn eich da ald mensh un da ald vayk vass diah eahshtah als gloffa sind drinn, deah vo fafiaht un fadaubt deich lusht.

Jesoiya 29:21

selli es macha es ebbah shuldich is bei iahra vatt, selli es en fall setza fa sellah es gricht vatt am doah, selli es falshi zeiya gevva fa ebbah sei recht vekk nemma.

Shpricha 25:12

En zank gevva zu en oah es heaht bei ebbah mitt veisheit, is vi en goldichah oahra-ring adda en goldich hals-band.

Psalm 141:5

Loss en gerechtah mann mich freindlich shlauwa, un mich recht setza veil eah's goot maynd. Loss een mich zanka; es is vi ayl uf mei kobb leahra, un mei kobb soll sich nett veahra digeyya. Doch ich bayt di gans zeit geyyich di ungerechta iahra verka.

1. Mosi 20:16

Da Abimelech hott no ksawt zu di Sara, “Gukk moll, ich habb deim broodah en dausend shtikkah silvah gevva. Dess is fa alles zu dekka es es gevva hott do geyyich dich in di awwa funn selli es bei diah sinn. Fannich alli-ebbah bisht du unshuldich.”

Shpricha 19:25

Gebb en shpoddah shlayk, no vadda selli shmeaht es nett kshvind fashtayn; setz en mann recht mitt goodah fashtand, un eah grikt eisicht.

Shpricha 15:12

Da shpoddah gleicht nett kshtrohft sei; eah gayt nett zu selli es veisheit henn.

Matthäus 18:15

“Vann dei broodah sindicha dutt geyyich dich, gay un sawk eem sei faylah yusht zvishich diah un eem laynich. Vann eah diah abheicht, hosht du dei broodah gvunna.

Jeremia 15:17

Ich habb nee nett zammah kokt mitt di shpoddah, un habb nee nett kshpass gmacht mitt eena; ich habb mich laynich kalda veil dei hand uf miah voah, un du mich kfild hosht mitt zann.

Shpricha 1:31

so zayla si di frucht essa funn iahra ayknah vayk, un zayla satt sei mitt di frucht funn iahra shkeems.

1. Timotheus 6:5

Es bringd en gefecht unnich leit es shlechti gedanka henn un es di voahheit faloahra henn. Si mayna gettlichkeit helft eena veidah kumma im nadiahlicha. Funn so leit hald dich vekk.

Shpricha 1:10

Mei kind, vann sindah dich lokka, gebb nett ei zu eena.

Shpricha 28:4

Selli es es ksetz falossa, lohva di gottlohsa, avvah selli es es ksetz halda, shaffa geyyich si.

Di Apostelgeschichte 26:18

fa iahra awwa uf macha un si drayya fumm dunkla zumm licht, un funn di graft fumm Satan zu Gott. Dess is so es si iahra sinda fagevva greeya un en eahbshaft greeya mitt selli es heilich gmacht sinn deich da glawva an mich.’

Epheser 5:12

Fa's is en shohm fa even shvetza veyyich di sacha es si doon hinna rumm.

Kolosser 1:12

dank gevvet zumm Faddah, deah vo uns fitt gmacht hott fa en dayl havva in di eahbshaft funn di glawvicha im licht.

1. Timotheus 5:22

Sei nett zu kshvind fa dei hend uf ebbah layya, un mach es du kenn dayl hosht in anri iahra sinda. Hald dich selvaht sauvah funn sinda.