Epheser 4:29 - Pennsylvania Dutch Bible

²⁹ Losset kenn shlechti kshvetzah aus eiyah maul kumma, avvah yusht so sacha es ufbauwa, so es selli vo heahra goodes raus greeya.

Epheser 4:29 Referans Kwoze

Kolosser 4:6

Losset eiyah kshvetz immah foll gnawt sei, un ksalsa mitt sals, so es diah vissa kennet vi zu andvadda zu alli-ebbah.

1. Thessalonicher 5:11

Fasell, famohnet nannah un bauwet nannah uf, so vi diah am du sind.

Breddichah 10:12

Di vadda aus em maul fumm mann mitt veisheit macha een ohksenna sei, avvah di vadda fumm unksheida mann bringa een zu nix.

Shpricha 15:7

Di leftz funn sellah es veisheit hott, shtroiya goodah roht, avvah's hatz funn di unksheida is nett so.

Shpricha 12:13

En evilah mann vatt kfanga in sei aykni falshi vadda, avvah di gerechta halda sich aus druvvel.

Matthäus 5:16

Losset eiyah lichtah sheina fannich di leit so es si di gooda sacha sayna kenna es diah doond, un es si no eiyah Faddah im Himmel lohva doon.”

Shpricha 16:21

En mann mitt veisheit vatt ohksenna es aynah mitt eisicht, un leeblichi vadda macht leit noch may eisayna mitt eem.

Jesoiya 50:4

Gott da Hah hott miah di zung gevva funn selli es gland sinn, fa vissa vels vatt es selli helft es matt sinn. Eah vekt mich uf alli meiya, eah vekt mei oah uf fa heahra vi aynah es am lanna is.

Psalm 52:2

Dei zung macht shawda; si is vi en shaufah raysah, du fafiahrah.

Shpricha 15:23

Es is en frayt zu en mann vann eah en goot andvat gebt, un vi goot is es recht vatt an di recht zeit!

1. Petrus 2:12

Un fiahret en goot layves-lawf unnich di Heida, so es vann si shvetza geyyich eich veyyich letz du, dann kenna si sayna es diah goodi sacha doond, un si gevva Gott di eah uf em dawk vann eah moll kumd.

Lukas 4:22

Si henn awl goot kshvetzt veyyich eem, un henn gvunnaht veyyich di goodi vadda es eah ksawt hott; un si henn ksawt, “Is dess nett em Joseph sei boo?”

Psalm 5:9

'Sis kenn voahheit in iahra maul, in iahra hatza vella si yusht nunnah reisa. Iahra hals is en grawb es uf is, un mitt iahra zung doon si yusht glatt shvetza.

1. Petrus 3:1

Im gleichlicha vayk sella diah veivah eich unnah gevva zu eiyah mennah. Dess is so es vann ennich's funn eena's Vatt nett glawva, kenna si ivvah-gvunna sei unni en vatt bei em layves-lawf funn iahra veivah,

Epheser 4:16

Deich een is es gans leib zammah gebunna un zammah kohva bei awl di gnocha un flexa es datt sinn. So vann alli dayl fumm leib shaft vi's sett, dann dutt's gans leib vaxa un sich ufbauwa in leevi.

Epheser 4:12

Dess voah so es eah glawvichi rishta kann fa di eahvet fumm deensht, un deich sell, Christus sei leib ufgebaut vadda kann,

Psalm 71:24

Un mei zung zayld shvetza veyyich dei gerechtichkeit da gans dawk lang, veil selli es miah letz du henn vella, fashtatzt un fashohmd sinn.

Psalm 45:2

Du bisht da shensht unnich di mensha-kinnah; dei leftz sinn ksalbt mitt gnawt, un Gott hott dich ksaykend fa'immah.

2. Petrus 2:18

Si shvetza grohsi vadda es nix mayna, un deich da lusht fumm flaysh zeeya si leit zu sich es yusht so goah vekk kumma voahra funn selli es in sinda layva.

1. Korinther 14:19

Avvah in di gmay dayt ich leevah fimf vadda sawwa mitt mei meind so es ich aw anri lanna kend, es vi fimf dausend vadda in en anri zung.

Römer 14:19

So dann, vella di sacha nohch gay es fridda macha un vo nannah ufbauwa doon.

Römer 15:2

Yaydah funn uns sett du vass unsahm nochbah kfald. Dess is fa sei goot, un fa een ufbauwa.

Johannes 1:37

Di zvay yingah henn een keaht dess sawwa no sinn si Jesus nohch ganga.