Daniel 5:10 - Pennsylvania Dutch Bible

¹⁰ Em kaynich sei maemm hott da kaynich un sei evvahshti keaht shvetza un is rei kumma in di shtubb vo's grohs essa voah. See hott ksawt, “Oh kaynich, layb ayvichlich! Sei nett fagelshtaht un so blayich!

Daniel 5:10 Referans Kwoze

Daniel 3:9

Si henn ksawt zumm Kaynich Nebukadnezar, “Oh kaynich, du solsht ayvichlich layva.

Daniel 6:6

No sinn di ivvah-saynah un di govvenahs zammah ganga un sinn zumm kaynich kumma. Si henn ksawt, “Kaynich Darius, layb ayvichlich!

Daniel 2:4

No henn di Chaldayah ksawt zumm kaynich in di Chaldayish shprohch, “Da kaynich soll ayvichlich layva! Sawk dei gnechta dei drohm. No sawwa miah diah vass es maynd.”

Daniel 6:21

Da Daniel hott andvat gevva, “Oh kaynich, layb ayvichlich!

Hiob 21:34

So vi kennet diah mich drayshta mitt eiyah dummi vadda? Nix funn eiyah kshvetz is ivvahrich es yusht falshheit.”

Hiob 13:4

Avvah diah dekket alles zu mitt leeya; diah sind awl doktah es nix veaht sinn.

1. Kaynicha 1:31

No hott di Bathsheba sich nunnah gebikt mitt iahra ksicht uf da bodda, un hott sich anna gegneet fannich da kaynich un ksawt, “Loss mei hah, da Kaynich Dawfit layva fa'immah!”

Daniel 5:6

No is sei ksicht veis gedrayt, un eah hott sich so oahrich kfeicht es sei gnee ohkfanga henn zammah shlauwa un sei bay henn kenn grefta may katt.