Daniel 3:25 - Pennsylvania Dutch Bible

²⁵ No hott eah ksawt, “Gukket moll, ich sayn fiah mennah am rumm lawfa im feiyah. Si sinn nett gebunna un's flamm dutt nix zu eena. Da fiaht mann gukt vi en sohn funn di gettah.”

Daniel 3:25 Referans Kwoze

Jesoiya 43:2

Vann du deich's vassah gaysht, dann binn ich bei diah. Un vann du deich di revvahra gaysht zayld's vassah dich nett fasaufa. Vann du deich's feiyah lawfsht, zaylsht du nett gebrend sei, di flamm brend dich nett uf.

Di Apostelgeschichte 28:5

Avvah eah hott di shlang abkshiddeld in's feiyah, un's hott eem nix gedu.

Markus 16:18

Vann si shlanga uf hayva, un vann si ebbes giftiches drinka, zayld's eena nix du. Si zayla iahra hend uf di granka layya un si vadda viddah ksund.”

Hiob 1:6

Es voah moll ay dawk vo di kinnah funn Gott sich fasammeld henn fannich em Hah es da Satan aw kumma is unnich si.

Daniel 3:28

Da Nebukadnezar hott no ksawt, “Glohbt is da Gott fumm Shadrach, Meshach un Abednego, deah es sei engel kshikt hott fa sei gnechta aus di kfoah halda! Si henn eem gedraut un henn's nett gedu fa em kaynich sei gebott halda. Si henn leevah iahra layva gevva vella, es en anra gott deena es nett iahra ayknah Gott voah.

Psalm 34:7

Da engel fumm Hah bleibt um selli rumm es een firchta, un eah macht si frei.

1. Petrus 3:13

Un veah zayld eich shawda du vann diah sell nohch gaynd vass goot is?

Daniel 3:18

Avvah vann eah nett dutt, dann vella miah alsnoch havva es du vaysht, oh kaynich, es miah dei gettah nett deena zayla, un's gleichnis funn gold nett ohbayda zayla es du ufksetzt hosht.”

Hiob 38:7

diveil es di meiya-shtanna mitt-nannah ksunga henn, un awl di kinnah Gottes gegrisha henn mitt frayt?

Römer 1:4

Eah voah greftichlich gvissa es da Sohn funn Gott deich da Geisht vo heilich is, bei uf shtay funn di dohda; dess is Jesus Christus unsah Hah.

Lukas 1:35

Avvah da engel hott ksawt zu iahra, “Da Heilich Geisht zayld uf dich kumma, un di graft fumm Alli-Haychshta zayld ivvah dich kumma. Deich sell zayld sell heilich kind vo geboahra vatt Gottes Sohn haysa.

Shpricha 30:4

Veah is nuff in da himmel ganga un viddah runnah kumma? Veah hott da vind zammah gegeddaht in sei hend? Veah hott di vassahra in en glayt gvikkeld? Veah hott ausgmacht vo di endah funn di eaht sei sella? Vass is sei nohma, un vass is seim Sohn sei nohma? Vaysht du dess?

Jeremia 1:8

Feich dich nett veyyich eena, fa ich binn bei diah, un gebb acht uf dich!” So sawkt da Hah.

Jeremia 1:19

Si zayla geyyich dich fechta avvah si zayla dich nett ivvah-kumma, veil ich bei diah sei zayl un acht gevva uf dich.” So sawkt da Hah.

Jeremia 15:21

“Ich hald dich aus di hand funn di ungettlicha, un nemm dich aus di hand funn di gvaldicha.”

Daniel 3:24

No voah da Kaynich Nebukadnezar fashtaund. Eah is uf getshumbt un hott sei mennah kfrohkt es eem roht gevva, “Henn miah nett drei mennah gebunna un si in's feiyah kshmissa?” Si henn ksawt, “Sell is voah, oh kaynich.”

Daniel 6:23

No voah da kaynich oahrich froh, un hott ksawt si sella da Daniel ruff aus em loch zeeya. So voah da Daniel ruff aus em loch gezowwa, un's voah kenn shawda kfunna an eem veil eah sei fadrauwa in Gott gedu katt hott.

Hiob 5:19

Aus em druvvel nemd eah dich sex mohl; even sivva mohl dutt evil diah kenn shawda.