Breddichah 8:9 - Pennsylvania Dutch Bible

⁹ Ich habb awl dess ksenna un habb ivvah alles gedenkt es gedu vatt unnich di sunn. Es hott zeida vann en mann gvald nemd ivvah en anrah un dutt sich selvaht vay.

Breddichah 8:9 Referans Kwoze

Breddichah 5:8

Vann du di oahma im land saynsht nunnah gedredda sei un si vadda grawbt funn iahra recht, dann fashtaun dich nett diveyya. En roolah is gvatsht bei aynah es ovvich eem is, un si sinn awl zvay gvatsht bei anri es ovvich eena sinn.

Breddichah 5:13

Do is en veesht ding es ich ksenna habb unnich di sunn: en reichah mann am sei shtoft hayva zu sei ayknah shawda,

Breddichah 7:25

So havvich mei meind uf gmacht fa vissa, fa dess unnah-sucha un veisheit fashtay, un favass es sacha sinn vi si sinn; un aw fa fashtay vi dumm es ungerechtichkeit is, un vi unksheit dumheit is.

Breddichah 3:10

Ich habb di eahvet ksenna es Gott mensha nunnah glawda hott mitt.

Breddichah 1:14

Ich habb awl di sacha ksenna es gedu sinn unnich di sunn; si sinn awl unni mayning, so vi vann ma broviahra dayt da vind fanga.

5. Mosi 2:30

Avvah da Sihon da kaynich funn Hesbon hott uns nett glost deich gay. Da Hah eiyah Gott hott em Sihon sei geisht shteibahrich gmacht un sei hatz shtokkich gmacht, so es eah ivvah-gedrayt vatt in eiyah hend vi eah is heit.

2. Mosi 14:28

Un's vassah is zammah kumma un hott di veyya, di geil-reidah un di gans drubb fumm Pharao sei greeks-gnechta zu gedekt. Awl selli es nei in da say ganga sinn fa eena nohch gay voahra zu gedekt; 's voah nett aynah ivvahrich.

2. Kaynicha 25:7

Si henn em Zedekia sei boova doht gmacht fannich sei awwa. No henn si em Zedekia sei awwa auskshtocha, henn een gebunna mitt kedda un henn een noch Babylon gnumma.

Breddichah 3:16

Un ich habb aw ebbes shunsht ksenna unnich di sunn: Im blatz funn gerichtes, voah ungettlichkeit, un im blatz vo leit iahra recht grikt henn, voah ungerechtichkeit.

Breddichah 4:1

No habb ich viddah gegukt un habb awl's unrecht ksenna es am ohgay voah unnich di sunn: Ich habb's awwa-vassah ksenna funn di nunnah-gedreddana— si henn nimmand fa si drayshta. Di graft voah uf di nunnah-dreddah iahra seit— di nunnah-gedreddana henn kenn drayshtah.

Breddichah 7:7

En mann mitt veisheit es fashvetzt vatt, faliaht sei veisheit, un en kshenk es gevva vatt hinna rumm, fadeahbt's hatz.

Breddichah 5:7

Feel drohma un vadda mayna nix. Avvah shtay fannich Gott mitt furcht.