Breddichah 7:4 - Pennsylvania Dutch Bible

⁴ Es hatz funn sellah mitt veisheit is im haus vo veines is, avvah's hatz fumm dumma is im haus vo blesiah is.

Breddichah 7:4 Referans Kwoze

Hosea 7:5

Uf em fesht-dawk funn unsah kaynich, vadda di evvahshti ksoffa mitt vei, un eah shtrekt sei hend naus mitt di shpoddah.

Daniel 5:30

Grawt selli nacht is da Belshazzar, da kaynich funn Babylon, doht gmacht vadda.

Jeremia 51:57

Ich mach iahra feddahshti un mennah mitt veisheit ksoffa, un aw iahra evvahshti un hauptmennah un greeks-gnechta; si shlohfa ei un vekka nimmi uf.” So sawkt da Kaynich es Awlmechtich Hah hayst.

Jeremia 51:39

Diveil es si ufkshtatt sinn, dann setz ich en grohs essa fannich si, un mach si ksoffa so es si fraylich vadda, eishlohfa, un nee nimmi ufvekka.” So sawkt da Hah.

Jesoiya 21:4

Mei hatz ziddaht, di furcht macht mich shidla. Da ohvet es ich foah-gegukt habb ditzu, gebt miah kenn roo.

1. Kaynicha 20:16

Si sinn middawks naus ganga diveil es da Benhadad un di anra zvay un dreisich kaynicha am ksoffa vadda voahra in iahra tents.

2. Samuel 13:28

Da Absalom hott ksawt zu sei mennah, “Nau heichet, vann da Amnon moll ksoffa is funn vei drinka un ich sawk zu eich, ‘Shlauwet da Amnon nunnah,’ no machet een doht. Feichet eich nett, fa ich habb eich dess gebott gevva. Seind gedrohsht un feichet eich nett.”

1. Samuel 30:16

Eah hott si no nunnah gnumma. Un datt voahra si ausnannah kshtroit ivvah's gans land am essa un drinka un dansa, veil si so feel sach katt henn es si gnumma henn fumm land funn di Philishtah un fumm land funn Juda.

1. Samuel 25:36

Vo di Abigail zumm Nabal ganga is, voah eah in seim haus am en grohs essa havva vi en kaynich. Eah voah in en goodah moot un voah oahrich ksoffa. So hott see eem nix ksawt biss da neksht meiya.

Nahum 1:10

Si sinn vi danna es deich-nannah sinn, un sinn ksoffa funn iahra vei, avvah si vadda ufgebrend vi drukka shtroh.

Breddichah 2:1

Ich habb in meim hatz gedenkt, “Nau zayl ich moll blesiah ausbroviahra fa sayna vass goodes es drinn is.” Avvah dess voah aw leah un unni mayning.

Breddichah 7:3

Dreebsawl is bessah es lacha, fa dreebsawl is goot fa's hatz.

Breddichah 7:5

Es is bessah fa da zank ohnemma funn ebbah mitt veisheit, es vi fa abheicha zumm leet funn ebbah es kenn veisheit hott.