Breddichah 7:18 - Pennsylvania Dutch Bible

¹⁸ Es is goot fa ayns fashtay, un nett gay lossa fumm anra. Sellah es Gott fircht dutt nix ivvah di maws.

Breddichah 7:18 Referans Kwoze

Breddichah 12:13

Es end funn awl demm is nau keaht vadda. Un do is vass miah uf kumma mitt: Firchtet Gott un haldet sei gebodda; dess is vass alli mann shuldich is fa du.

Lukas 11:42

Avvah vay zu eich Pharisayah! Diah gevvet's zeyyadel funn eiyah mint-blansa, rauda-shtekk un awl eiyah greidah, avvah diah sind unbekimmaht veyyich em gericht un veyyich di leevi Gottes. Dee sacha heddet diah du sedda, un avvah di ivvahricha aw nett unfaseikt gay lossa.

Lukas 1:50

Un sei bamhatzichkeit is fa'immah un immah uf selli vo furcht henn fa een.

Maleachi 4:2

Avvah fa eich es mei nohma firchtet, zayld di sunn funn gerechtichkeit uf kumma mitt hayles in iahra flikkel. Un diah zaylet naus gay un rumm tshumba vi kelvah es yusht aus em shtall glost sinn vadda.

Breddichah 11:6

Say dei sohma free meiyets, un loss dei hend nett roowa ohvets, fa du kansht nett sawwa eb da meiya adda da ohvet sohma vaxa zayld, adda eb si awl zvay doon.

Breddichah 8:12

Un en ungettlichah mensh mecht en hunnaht mohl letz du un alsnoch en lang layva havva, avvah ich vays es es bessah gay zayld mitt en mensh es Gott fircht, sellah es Gott eaht.

Jeremia 32:40

Ich mach dess ayvich bund mitt eena: Ich shtobb nee nett goot du zu eena, un ich mach es si mich firchta, so es si nee nett vekk drayya funn miah.

Breddichah 3:14

Ich vays es alles es Gott dutt shtay zayld fa'immah; nix kann ditzu gedu vadda un nix vekk gnumma vadda. Gott dutt dess so es mensha een firchta sella.

Shpricha 8:20

Ich lawf uf em vayk funn gerechtichkeit, un uf di pawt funn vass recht is.

Breddichah 5:7

Feel drohma un vadda mayna nix. Avvah shtay fannich Gott mitt furcht.

Breddichah 8:13

Un veil da ungettlich mensh Gott nett fircht, dann zayld's nett goot gay mitt eem, un sei dawwa zayla nett falengaht vadda vi en shadda.

Shpricha 12:21

Nix shlechtes kumd ivvah di gerechta, avvah di gottlohsa henn nix es druvvel.