Breddichah 7:17 - Pennsylvania Dutch Bible

¹⁷ Sei nett ivvahrich gottlohs, un loss dich nett unksheit vadda, so es du nett shtaubsht eb dei zeit.

Breddichah 7:17 Referans Kwoze

Shpricha 10:27

Di furcht fumm Hah macht's layva lengah, avvah di yoahra funn di gottlohsa vadda fakatzt.

Psalm 55:23

Avvah du, oh Gott, zaylsht di gottlohsa in's deefsht grawb shtohsa. Bloot-fageesah un falshi mennah zayla nett dihelft funn iahra dawwa auslayva. Ich avvah, du mei fadrauwa in dich.

Hiob 22:16

Si voahra vekk gedrawwa eb's iahra zeit voah, es vassah hott iahra grund vekk gvesha.

Di Apostelgeschichte 12:23

En engel fumm Hah hott een grawt nunnah kshlauwa, veil eah nett di eah zu Gott gevva hott. Un veahm henn da Herodes kfressa, un eah is kshtauva.

Di Apostelgeschichte 5:10

Un grawt is see anna kfalla an sei fees un is kshtauva. Di yunga mennah sinn rei kumma un henn ksenna es see kshtauva voah. No henn si see naus gedrawwa un henn see fagrawva nayvich iahra mann.

Di Apostelgeschichte 5:5

Vo da Ananias dee vadda keaht hott is eah annah kfalla un is kshtauva. Un awl di leit vo dess auskfunna henn, henn sich oahrich kfeicht.

1. Samuel 25:38

Baut zeyya dawk shpaydah hott da Hah een kshlauwa un da Nabal is kshtauva.

Jakobus 1:21

So dann, doond alles vekk es unsauvah un ungerecht is, un mitt daymoot nemmet's Vatt oh es in eich geblanst is. Dess is es Vatt vo eiyah sayl saylich macha kann.

Ezekiel 16:20

‘Un du hosht dei boova un mayt gnumma es du geboahra hosht zu miah un hosht si gopfaht es ess-sach fa di abgettah. Voah's nett genunk es du huahrahrei gedrivva hosht?

Ezekiel 8:17

Eah hott no ksawt zu miah, “Hosht du dess ksenna, mensha-kind? Es is shlimm genunk fa di leit funn Juda dee shreklicha sacha du do, avvah si doon aw shunsht dess gans land filla mitt heslichah unfashtand un mich veidah fazanna. Gukk moll, vi si baym-nesht an iahra naws hayva fa mich fa'eiyahra.

2. Samuel 6:20

Vo da Dawfit haym kumma is fa sei family saykna, is em Saul sei maydel, di Michal, kumma een ohdreffa. See hott ksawt, “Vee hallich voah da kaynich funn Israel heit! Eah hott sich ausgedu fannich sei gnechta iahra mawda vi di lohsa leit doon es kenn shohm henn.”

Di Apostelgeschichte 16:28

Avvah da Paulus hott laut naus groofa, “Du diah nix, miah sinn noch awl do.”