Breddichah 12:5 - Pennsylvania Dutch Bible

⁵ vann mennah sich feicha in di hay gay, un sich feicha veyyich di kfoah uf em vayk; vann da almond-bohm veisi blumma hott, un da hoi-shrekk sich fassich zeekt, un's is kenn lusht may datt. No gayt da mann an sei ayvichi haymet, un di leit es heila lawfa rumm heah in di shtrohsa.

Breddichah 12:5 Referans Kwoze

Hiob 17:13

Vann's grawb di hofning funn mei haymet is, dann mach ich mei bett im dunkla.

Hiob 30:23

Fa ich vays es du mich zumm doht bringa zaylsht, an da blatz vo awl di levendicha zammah kumma.

Shpricha 16:31

Veis-grohwi hoah is vi en krohn funn hallichkeit, un is fadeend bei en gerecht layva fiahra.

Psalm 71:18

Un nau even vann ich ald un groh binn, du mich nett falossa, oh Gott, biss ich dei macht fakindicht habb zu di kinds-kinnah, un dei graft zu selli es nohch kumma.

Hiob 15:10

Di veis-grohwa un di alda mennah sinn unnich uns rumm, selli es eldah sinn es dei daett.

3. Mosi 19:32

Shtay uf fannich di grohwa kebb, eah di eldra un fircht dei Gott. Ich binn da Hah.

Hebräer 9:27

So vi da mensh aymol shtauva muss, un noch sellem kumd's gericht,

Jeremia 1:11

No is es vatt fumm Hah zu miah kumma un hott ksawt, “Vass saynsht du, Jeremia?” Ich habb ksawt, “Ich sayn en nasht funn en almond-bohm.”

Jesoiya 46:4

Even biss diah ald un veis-groh sind, dann binn ich sellah es eich drawkt. Ich habb eich gmacht un zayl eich drawwa. Ich drawk eich un mach eich frei.

Breddichah 9:10

Vass-evvah es dei hend finna fa du, du's mitt awl dei macht, fa vo du anna gaysht im grawb zayld kenn eahvet adda denkes adda eisicht adda veisheit sei.

Shpricha 20:29

Di hallichkeit funn yungi leit is iahra grefta, un di eah funn aldi leit is iahra veis-grohwi hoah.

1. Mosi 44:31

dann vann eah saynd es da boo nett bei uns is, macht's een doht. Un sellah vayk bringa dei gnechta di grohwa hoah funn dei gnecht, mei daett, nunnah in's grawb mitt dreebsawl.

1. Mosi 44:29

Vann diah deah do aw nemmet funn miah, un's gebt ebbes zu eem, dann bringet diah mei grohwi hoah nunnah in's grawb mitt dreebsawl.’

1. Mosi 42:38

Avvah da Jakob hott ksawt, “Mei boo zayld nett nunnah gay mitt diah. Sei broodah is doht un eah laynich is ivvahrich. Vann's ennich ebbes gebt mitt eem uf em vayk es diah gay zaylet, dann bringsht du mei grohwah kobb in's grawb mitt dreebsawl.”

Jeremia 9:16

Ich zayl si ausnannah shtroiya unnich di heida, dee es si un iahra feddah nett gekend henn, un ich gay eena nohch mitt em shvatt biss ich si gans faddich gmacht habb.”