Amos 5:8 - Pennsylvania Dutch Bible

⁸ Sellah es di free-yoah un shpoht-yoah shtanna gmacht hott, es es dunkla funn di nacht in da meiya macht, un es di helling funn dawk in di nacht macht; sellah es shikt fa's vassah fumm say, un leaht's ivvah di gans eaht— sei nohma is da Hah.

Amos 5:8 Referans Kwoze

Amos 4:13

Sellah es di berga un da vind macht, eah lost da mensh vissa vass eah im sinn hott, sellah es da meiya-roht zu dunkel drayt, un lawft in di hohcha bletz funn di eaht— eah hayst Gott, da Awlmechtich Hah.

Hiob 9:9

Eah macht da Beah, da Orion un di Pleiades, un aw awl di shtanna in di saut.

Amos 9:6

eah is sellah es sei haymet baut im himmel un di eaht ivvah-dekt mitt em himmel. Eah rooft's vassah im say, un leaht's ivvah di gans eaht— sei nohma is da Hah!

Amos 8:9

“In sellem dawk,” sawkt da Awlmechtich Hah, “mach ich di sunn unnah gay am middawk, un mach's dunkel deich da dawk.

Psalm 104:20

Du hosht's dunkla un di nacht gmacht, di zeit vann awl di diahra im bush raus kumma.

Psalm 105:28

Eah hott's dunkla kshikt un hott's land dunkel gmacht, un si henn nett geyyich sei vatt kshaft.

Hiob 12:22

Eah dekt ab di deefi sacha aus em dunkla, un bringd's dunkla raus in's licht.

Lukas 1:79

fa helling gevva zu selli vo im dunkla hokka un vo im shadda fumm doht hokka, un eah zayld unsah fees uf da vayk funn fridda fiahra.”

Matthäus 4:16

Di leit vo im dunkla kokt henn, henn en grohs licht ksenna. Un zu dee vo im land un im shadda fumm doht kokt henn, is en licht uf kumma.”

Jesoiya 59:10

Miah langa naus fa di vand vi di blinda, miah feela unsah vayk vi selli unni awwa. Am middawk shtolbahra miah vi an dushbah, unnich di shteika, sinn miah vi dohdi.

Jesoiya 42:16

Ich zayl di blinda fiahra in vayya es si nett gvist henn. Ich zayl eena foah gay in pawda es nett bekand sinn zu eena. Ich zayl's dunkla hell macha fannich eena, un unayvani bletz ayva macha. Dess sinn di sacha es ich du zayl; ich zayl si nett hokka lossa.

Hiob 38:34

Kansht du dei shtimm uf hayva zu di volka, un si macha dich zu dekka mitt reyyah.

Hiob 37:13

Eah shikt reyyah fa di eaht vessahra, eah mecht's shikka fa leit shtrohfa, adda fa sei shtandhaftichi-leevi veisa.

Jeremia 16:21

“Fasell, zayl ich si lanna,” sawkt da Hah, “dessamohl zayl ich si vissa lossa funn mei gvald un macht. No zayla si vissa es mei nohma da Hah is.”

Jeremia 33:2

“Dess is vass da Hah sawkt, deah es di eaht gmacht hott, da Hah es see kshaft hott un es see in da blatz gedu hott—sei nohma is da Hah: