Amos 3:15 - Pennsylvania Dutch Bible

¹⁵ Ich reis es vindah haus nunnah un aw's summah haus; di heisah es bedekt sinn mitt ivory vadda fadauva, un di grohsa frechi heisah vadda zammah grissa.” So sawkt da Hah.

Amos 3:15 Referans Kwoze

Jeremia 36:22

Es voah da neind moonet un da kaynich voah am in sei vindah shtubb hokka mitt en feiyah am brenna in en feiyah-kessel fannich eem.

1. Kaynicha 22:39

Nau di anri sacha im Ahab sei kaynich-reich, un vass eah gedu hott—so vi sei kaynich-haus bauwa mitt eiksetzt ivory, un awl di shtett es eah gebaut hott—sinn si nett ufkshrivva im buch fumm shreives veyyich di kaynicha funn Israel?

Richtah 3:20

Da Ehud is no zu eem ganga diveil es da kaynich am laynich hokka voah uf em shpeichah funn sei summah kaynich-haus. Da Ehud hott no ksawt, “Ich habb ebbes zu sawwa zu diah funn Gott.” Vi da kaynich ufkshtanna is funn sei sitz,

Amos 6:11

Fa da Hah hott en gebott gevva, un's grohs haus vatt in shtikkah fabrocha, un's glay haus in glenni shtikkah.

Jesoiya 5:9

Zu mei oahra hott da Awlmechtich Hah ksawt: “Awl di grohsa heisah zayla geviss faveesht vadda, un di shayni feini heisah zayla leah shtay.

Amos 3:11

Fasell sawkt Gott da Hah: “En feind zayld's land umringa, un dich funn dei macht runnah reisa, un dei kaynich-heisah rawva.”

Psalm 45:8

Awl dei glaydah sinn goot-shmakkich gmacht mitt myrrhe, aloe un kassia. Fumm ivory-gedekt kaynich-haus, vasht du froh gmacht vann di harfa kshpeeld vadda.

Amos 2:5

dann shikk ich feiyah uf Juda, un dess fabrend di greeks-heisah funn Jerusalem.”

Amos 5:11

Diah dreddet uf di oahma un machet si eich frucht gevva. Deich sell, even vann diah shtaynichi heisah bauwet, dann zaylet diah nett drinn voona, even vann diah grohsi vei-goahra geblanst hend, zaylet diah da vei difunn nett drinka.

Maleachi 1:4

Edom sawkt fleicht, “Miah sinn nunnah kshlauwa, avvah miah zayla sacha viddah ufbauwa.” Avvah dess is vass da Awlmechtich Hah sawkt: “Si kenna viddah bauwa, avvah ich reis es viddah nunnah. Leit zayla si's ‘Ungettlich Land’ haysa, en leit es da Hah ayvichlich zannich is mitt.