Amos 1:10 - Pennsylvania Dutch Bible

¹⁰ dann shikk ich feiyah uf di vanda funn Tyrus, un dess fabrend awl iahra greeks-heisah.”

Amos 1:10 Referans Kwoze

Sacharia 9:4

Avvah da Hah nemd dess awl vekk funn iahra, un shmeist iahra graft in da say, un see vatt ufgebrend mitt feiyah.

Amos 1:7

dann shikk ich feiyah uf di vanda funn Gaza, un dess fabrend awl iahra greeks-heisah.

Amos 1:4

dann shikk ich feiyah uf em Hasael sei kaynich-haus, un dess fabrend awl di greeks-heisah fumm Benhadad.

Ezekiel 26:12

Si zayla dei deiyah sach un's shtoft es du fakawfsht, nemma fa sich selvaht. Si brecha dei vanda nunnah un aw eiyah shayni heisah. Si shmeisa dei shtay, hols un shtawb in da say.

Jeremia 47:4

Fa da dawk is kumma vann awl di Philishtah folshtendich ausgrivva vadda, un nimmand bleibt ivvahrich es Tyrus un Sidon helfa kann. Da Hah zayld di Philishtah umbringa, selli vass ivvahrich sinn am say nohch funn Kaphthor.

Ezekiel 26:4

Si zayla di mavvahra funn Tyrus nunnah reisa un iahra tavvahs nunnah brecha; ich keah da shtawb funn iahra vekk, un mach see in en bluddah felsa.

Ezekiel 28:18

Deich dei sinda un uneahlich handles, hosht du dei tempels unheilich gmacht. So habb ich feiyah gmacht aus diah kumma, un's hott dich ufgebrend. Ich habb dich zu esh gedrayt uf em bodda, fannich awl selli es am vatsha voahra.

Joel 3:4

Nau vass hend diah zu du mitt miah, oh Tyrus un Sidon un awl di lendah funn di Philishtah? Sind diah am mich zrikk betzawla fa ebbes? Vann diah am mich zrikk betzawla sind, dann dray ich's kshvind un shnell zrikk uf eiyah aykni kebb.