2. Samuel 23:3 - Pennsylvania Dutch Bible

³ Da Gott funn Israel hott kshvetzt, da Felsa funn Israel hott ksawt zu miah, ‘Vann ebbah ivvah mensha roold in gerechtichkeit, vann eah roold in di furcht funn Gott,

2. Samuel 23:3 Referans Kwoze

2. Samuel 22:32

Fa veah is Gott, unni yusht da Hah? Veah is da Felsa, unni yusht unsah Gott?

5. Mosi 32:4

Eah is da Felsa, sei verka sinn folkumma; awl sei vayya sinn recht. En shtandhaftichah Gott es nix letzes dutt, gerecht un ufrichtich is eah.

2. Mosi 18:21

Un du setsht aw goodi mennah es Gottes-furcht henn raus laysa funn awl di leit. Dee sedda mennah sei funn di voahheit, un mennah es eahlich sinn. No setz dee mennah ivvah di leit fa ivvah-saynah sei funn en dausend, funn en hunnaht, funn fuftzich un funn zeyya.

Hebräer 1:8

Avvah veyyich em Sohn hott eah ksawt, “Du hoksht uf dei kaynich-shtool, oh Gott, funn ayvichkeit zu ayvichkeit, du fiahsht dei Reich in gerechtichkeit.

Sacharia 9:9

Froiyet eich oahrich, diah leit funn Zion! Greishet laut, diah leit funn Jerusalem! Gukket, eiyah kaynich is am zu eich kumma; eah is gerecht un hott saylichkeit, is daymeedich, un is am reida uf en donkey, sell is, uf en hutsh aus en donkey.

Psalm 72:2

So es eah dei leit richta dutt mitt gerechtichkeit, un feah is zu dei oahmi.

Psalm 42:9

Ich sawk zu Gott, mei Grohsah Felsa, “Favass hosht du mich fagessa? Favass muss ich rumm heah gay am veina un nunnah gedredda sei bei mei feinda?”

1. Mosi 33:20

Da Jakob hott no en awldah gebaut datt un hott en “Gott, da Gott funn Israel”, kaysa.

Jeremia 23:5

“Di dawwa sinn am kumma,” sawkt da Hah, “vann ich en gerechtah Nasht raus roof aus em Dawfit sei nohch-kummashaft, en Kaynich es roold mitt veisheit, un richt in gerechtichkeit im land.

Jesoiya 32:1

Gukk moll, es zayld en kaynich kumma es sei reich fiaht mitt gerechtichkeit, un sei mitt-helfah zayla richta vass recht is.

Shpricha 31:9

Shvetz uf un richt mitt gerechtichkeit, un mach es di aylendicha un oahma iahra recht greeya.”

Psalm 110:2

Da Hah shikt dei mechtichah zeptah naus funn Zion. Rool ivvah dei feinda!

Nehemia 5:14

Un funn di zeit es ich govvenah gmacht voah im land Juda; naymlich, fumm zvansisht yoah biss es zvay un dreisisht yoah fumm Artaxerxes sei reich—zvelf yoah—habb ich un mei breedah kenn ess-sach gessa es alawbt voah fa em govvenah sei kosht.

2. Mosi 20:2

“Ich binn da Hah dei Gott es dich aus em land Egypta gebrocht hott, aus em gnechta deensht-haus.

2. Mosi 3:15

Un Gott hott veidah ksawt zumm Mosi, “Dess solsht du sawwa zu di Kinnah-Israel, ‘Da Hah, da Gott funn eiyah foah-feddah—da Gott fumm Abraham, da Gott fumm Isaac un da Gott fumm Jakob—hott mich zu eich kshikt.’ Sell is mei nohma fa'immah, da nohma es ich gay dibei funn nohch-kummashaft zu nohch-kummashaft.

1. Kaynicha 10:9

Glohbt sei da Hah dei Gott es sich kfroit hott mitt diah un dich uf da kaynich-shtool funn Israel kokt hott. Veil da Hah Israel ayvichlich leeva dutt, hott eah dich kaynich gmacht fa sayna ditzu es alli-ebbah gricht vatt in gerechtichkeit.”

Hiob 34:17

Kann sellah es hast vass recht is, roola? Fadamsht du sellah es gerecht un mechtich is?

Psalm 72:1

Gebb em kaynich eisicht fa dei gericht ausdrawwa, oh Gott, un dei gerechtichkeit zu em kaynich sei sohn.

2. Samuel 8:15

So voah da Dawfit kaynich ivvah gans Israel, un eah hott gedu vass recht voah fa awl sei leit.