2. Samuel 22:9 - Pennsylvania Dutch Bible

⁹ Shmohk is aus sei naws kumma, feiyah es ufbrend is aus sei maul kumma, kohla am brenna, sinn raus kumma.

2. Samuel 22:9 Referans Kwoze

Hebräer 12:29

Fa unsah Gott is en fazeahrich feiyah.

Habakuk 3:5

Peshtelens is fannich eem heah ganga, un dohdes-grankheit is hinnich eem nohch kumma.

Jeremia 15:14

Ich zayl dich macha dei feinda deena in en land es du nett kensht, fa mei zann is ohkshtekt vi en feiyah es brend geyyich dich.”

Jeremia 5:14

Fasell sawkt da Hah, da Awlmechtich Gott; “Veil di leit selli vadda ksawt henn, dann mach ich mei vadda in deim maul vi en feiyah, un dee leit vi's hols es es feiyah ufbrend.”

Jesoiya 30:27

Gukk moll, da Nohma fumm Hah kumd funn veit ab, am brenna mitt zann un in dikki volka mitt shmohk; sei leftz sinn kfild mitt gleedichah zann, un sei zung vi mitt en fazeahrich feiyah.

Psalm 18:15

Di grawva fumm say henn sich gvissa, un da bodda funn di eaht voah abgedekt, vo du ksholda hosht, oh Hah, vo du kshnauft un geblohsa hosht in deim zann.

Psalm 18:8

Shmohk is aus sei naws kumma; feiyah es sacha ufbrend is aus seim maul kumma, un flamm funn di kohla is funn eem kumma.

Hiob 4:9

Bei Gott sei ohften kumma si um, un bei da vind funn sei zann kumma si an's end.

2. Samuel 22:16

Da bodda fumm say voah abgedekt, di foundations funn di eaht voahra ksenna deich da zank fumm Hah, un bei em haysa ohften funn sei naws.

2. Samuel 22:13

Funn di helling fannich eem is es gviddah raus kumma.

5. Mosi 32:22

En feiyah is ohkshtekt vatt bei mei zann, un brend biss nunnah in di niddahsht hell. Es frest di eaht un iahra frucht, un shtekt di mavvahra unnich di berga oh.

2. Mosi 24:17

Un in di awwa funn di Kinnah-Israel hott di hallichkeit fumm Hah gegukt vi en fazeahrich feiyah ovva uf em berg.

2. Mosi 19:18

Da Berg Sinai voah zu gedekt mitt shmohk veil da Hah runnah kumma is in feiyah. Da shmohk is in di hay ganga vi funn en grohsah offa, un da gans berg hott veesht kshiddeld.

Jesoiya 30:33

En blatz funn feiyah voah shund lang grisht. Yau, eah voah grisht fa da kaynich. Dee feiyah-pitt voah deef un brayt gmacht mitt blendi feiyah un hols. Da ohften fumm Hah, so vi en brennichah shvevvel shtrayma zayld's ohshtekka.