2. Samuel 22:3 - Pennsylvania Dutch Bible

³ Mei Gott is mei Felsa, vo ich mich fashtekla kann, mei Shield, un's Hann funn mei Saylichkeit. Eah is mei shteikah Roo-Blatz, un mei Fashtekkel-Blatz, mei Heiland es mich vekk hald funn fechtichi mennah.

2. Samuel 22:3 Referans Kwoze

Psalm 9:9

Da Hah is en sayfah Roo-Blatz fa di nunnah-gedreddana, en sayfah blatz an di zeit funn druvvel.

Jesoiya 12:2

Gott is geviss mei saylichkeit; ich drau eem un zayl mich nett feicha. Gott da Hah is mei Graft un mei Psaltah-Leet; eah is mei saylichkeit vadda.”

Shpricha 18:10

Da nohma fumm Hah is vi en shteikah tavvah, en gerechtah mann kann datt anna shpringa un is sayf.

Shpricha 30:5

Alli vatt funn Gott is voah; eah is en shield zu selli es eem drauwa.

Psalm 46:11

Da Awlmechtich Hah is mitt uns, da Gott fumm Jakob is unsah sayfah Roo-Blatz. (Sela)

Psalm 18:2

Da Hah is vi en felsa un en shteik greeks-haus zu miah. Eah macht mich frei. Mei Gott is vi en felsa es ich hinna droh shtay kann unni kfoah. Eah is mei shield un's greftich hann funn mei saylichkeit, mei shteikah helfah.

5. Mosi 33:29

Ksaykend bisht du, oh Israel, veah is vi du, en leit saylich gmacht bei em Hah? Eah is eiyah shield un eiyah hilf, un di shvatt funn eiyah hallichkeit. Eiyah feinda bikka sich fannich eich un feicha sich, un diah shtambet iahra hohchi bletz nunnah.”

1. Mosi 15:1

Noch demm is es vatt fumm Hah zumm Abram kumma in en vision un's hott ksawt, “Feich dich nett, Abram, ich binn dei shield, un dei grohsi betzawling.”

Hebräer 2:13

Eah sawkt viddah, “Ich du mei fadrauwa uf een setza,” un viddah, “Gukk moll, do binn ich un di kinnah es Gott miah gevva hott.”

Lukas 1:69

Eah hott en greftichi saylichkeit ufkshteld fa uns deich di nohch-kummashaft funn seim gnecht, da Dawfit.

Psalm 144:2

Da Hah is en Felsa un en shteik greeks-haus zu miah, eah is en shteik gebei un eah setzt mich frei. Eah is mei shield un hald mich aus di kfoah, eah dutt di leit ivvah-kumma un dutt si unnich mich.

Psalm 59:16

Avvah ich zayl singa veyyich dei macht, alli meiya zayl ich singa veyyich dei grohsi leevi; fa du bisht mei Feshtah-Blatz, en Roo-Blatz aus di kfoah an di zeit funn mei noht.

Psalm 14:6

Diah fashohmet di oahma iahra roht, avvah da Hah hald si aus di kfoah.

Jeremia 16:19

Oh Hah, du bisht mei graft un mei hilf, zu diah kann ich shpringa vann ich in di kfoah binn; di heida zayla zu diah kumma, fumm end funn di eaht kumma si un sawwa, “Unsah feddah henn nix katt es yusht falshi gettah, gleichnisa es eena nett helfa henn kenna.

Jesoiya 32:2

Yaydahs funn eena zayld sei vi en blatz aus em vind, vi en blatz es ma sich fashtekla kann fumm shtoahm, vi en vassah-grikk es lawft in en drukka land, un vi da shadda funn en grohsah felsa in en drukkanah blatz.

Psalm 140:4

Hald mich aus di hend funn di gottlohsa, oh Hah, hald mich aus di kfoah funn mennah es gvald yoosa, un es shkeema fa mich shtolbahra macha.

Psalm 55:9

Fashtatz di ungettlichi, oh Hah, mach iahra shprohch fashtatzt, fa ich sayn unfashtand un shtreit in di shtatt.

Psalm 46:7

Da Awlmechtich Hah is mitt uns, da Gott fumm Jakob is unsah sayfah Roo-Blatz. (Sela)

Lukas 1:71

miah sella kalda vadda funn unsah feinda un funn di hand funn awl dee vo uns hassa,

Psalm 140:11

Loss es nett goot gay uf di eaht mitt selli es kshvetzah shtroiya. Loss selli es gvald yoosa ivvah-kumma sei mitt evil.

Psalm 140:1

Mach mich frei funn evili mensha, oh Hah, hald mich aus di kfoah funn mennah es gvald yoosa,

Psalm 86:14

Oh Gott, shtolsi leit henn sich ufketzt geyyich mich; en drubb unfashtendlichi mennah vella mei layva nemma, un si gevva nix um dich.

Psalm 84:11

Fa Gott da Hah is en sunn un en shield; da Hah gebt gnawt un hallichkeit. Eah haybt nix goodes zrikk funn selli es ufrichtich lawfa.

Psalm 84:9

Gukk an unsah shield, oh Gott, un gukk uf's ksicht funn deim ksalbdah.

Psalm 72:14

Eah macht iahra layva frei funn gvald un funn nunnah gedrikt sei, un iahra bloot is keshtlich in sei awwa.

Psalm 71:7

Ich binn vi en vunnah zu feel leit, avvah du bisht mei shteikah Roo-Blatz.

Psalm 61:3

Du bisht mei sayfah Roo-Blatz, mei shteiki Vand geyyich di feinda.

Psalm 46:1

Gott is unsah sayfah Roo-Blatz un unsah Graft; eah is immah datt fa helfa an di zeit funn druvvel.

Psalm 28:7

Da Hah is mei graft un mei shield; mei hatz draut eem, un eah hott miah kolfa. Mei hatz is fraylich, un ich dank een am singa.

Psalm 27:5

An di zeit funn druvvel, hald eah mich aus di kfoah in seim gebei. Eah fashtekkeld mich in seim tent, un setzt mich uf en hohchah felsa.

Psalm 5:12

Fa du saykendsht di gerechta, oh Hah; du umringsht si mitt gnawt vi mitt en shield.

Psalm 3:3

Avvah du bisht en shield um mich rumm, oh Hah, du gebsht miah eah un haybsht mei kobb uf.

2. Samuel 22:51

Du gebsht dei kaynich grohsi ivvah-hand, un veisht shtandhaftichi-leevi zu deim ksalbda, zumm Dawfit un sei nohch-kummashaft fa'immah.”

2. Samuel 22:49

un eah setzt mich frei funn mei feinda. Du haybsht mich ovvich selli es ufshtayn geyyich mich, un helfsht miah vekk funn fechtichi mennah.

1. Samuel 2:1

No hott di Hannah gebayda un hott ksawt, “Mei hatz froit sich im Hah; im Hah is mei hann hohch uf kohva. Mei maul shvetzt grohs geyyich mei feinda, veil ich mich froi in dei saylichkeit.

5. Mosi 32:37

Eah zayld sawwa, “Nau vo sinn iahra gettah, da shtay es si sich falossa henn druff,

Titus 3:6

Eah hott da Heilich Geisht reichlich ausgleaht uf uns deich Jesus Christus unsah Heiland,

Titus 3:4

Avvah vo di freindlichkeit un leevi funn Gott unsah Heiland sich gvissa hott,

Lukas 1:47

un mei geisht froit sich ivvah Gott mei Heiland.

Jeremia 16:9

Fa dess is vass da Awlmechtich Hah, da Gott funn Israel, sawkt: ‘In demm land fannich eiyah awwa un in eiyah layves-zeit, zayl ich en end macha funn di yacht vo leit am en goodi zeit havva sinn un am sich froiya sinn, un di shtimm funn di hochtzich-fraw un da hochtzich-mann.’

Jesoiya 45:21

Kummet zammah un machet aus vass diah foah bringa vellet. Veah hott dess foahksawt lang zrikk, un veah hott dess fakindicht an selli zeit? Voah's nett mich, da Hah? Es hott kenn Gott unni mich, en gerechtah Gott un Heiland; es hott kennah unni mich.

Psalm 32:7

Mitt diah kann ich mich fashtekla; du haldsht mich aus di kfoah funn druvvel; du umringsht mich mitt selli es laut singa veil ich frei ksetzt binn. (Sela)

Psalm 142:4

Gukk uf mei rechtsi seit un sayn, nimmand nemd acht funn miah, 'sis neiyets es ich hee fleeya kann, nimmand gebt ebbes um mich.

5. Mosi 32:4

Eah is da Felsa, sei verka sinn folkumma; awl sei vayya sinn recht. En shtandhaftichah Gott es nix letzes dutt, gerecht un ufrichtich is eah.

1. Samuel 2:2

Nimmand is so heilich es da Hah, es is nimmand vi dich, un's is kenn Felsa vi unsah Gott.

2. Samuel 22:31

Un veyyich Gott, sei vayya sinn gans folkumma; 's vatt fumm Hah is gans voah. Eah is en shield zu selli es sich falossa uf een.

2. Samuel 22:47

Da Hah laybt! Ksaykend is mei Felsa! Gott is hohch ufkohva, da Felsa funn mei saylichkeit.

2. Samuel 23:3

Da Gott funn Israel hott kshvetzt, da Felsa funn Israel hott ksawt zu miah, ‘Vann ebbah ivvah mensha roold in gerechtichkeit, vann eah roold in di furcht funn Gott,

2. Mosi 15:2

Da Hah gebt miah grefta, un macht mich singa. Eah macht mich saylich. Eah is mei Gott, un ich vill eem lohb gevva, eah is mei faddah sei Gott, un ich hayb een hohch uf.

Psalm 9:10

Selli es dei nohma vissa doon iahra fadrauwa in dich; fa du, oh Hah, falosht selli nett es dich sucha.

Psalm 46:2

Fasell feicha miah uns nett, even vann di eaht unnah gayt, un vann di berga in di mitt funn da say falla;