2. Samuel 22:12 - Pennsylvania Dutch Bible

¹² Eah hott's dunkla sei dach gmacht um sich rumm, in di dunkla reyyah volka fumm himmel.

2. Samuel 22:12 Referans Kwoze

Psalm 97:2

Volka un's dunkla sinn um een rumm, sei kaynich-shtool is gegrund uf gerechtichkeit un gericht.

2. Samuel 22:10

Eah hott di himla funn-nannah fadayld un is runnah kumma, di dunkla volka voahra unnich sei fees.

Psalm 27:5

An di zeit funn druvvel, hald eah mich aus di kfoah in seim gebei. Eah fashtekkeld mich in seim tent, un setzt mich uf en hohchah felsa.

Hiob 36:29

Veah kann fashtay vi eah di volka ausnannah dutt, adda vi's gviddah yacht macht im himmel vo Gott bleibt.

1. Kaynicha 20:12

Da Benhadad hott dess vatt keaht diveil es eah un di anra kaynicha am drinka voahra in iahra tents. No hott eah ksawt zu sei mennah, “Rishtet eich fa fechta.” So henn si sich grisht fa di shtatt fechta.