2. Samuel 20:13 - Pennsylvania Dutch Bible

¹³ Vo em Amasa sei doht leib nimmi uf em vayk voah, sinn awl di mennah mitt em Joab ganga fa em Bichri sei boo da Seba noch gay.

2. Samuel 20:13 Referans Kwoze

Markus 10:46

Nau sinn si in Jericho kumma un vo Jesus deich di shtatt raus is mitt sei yingah, sinn en grohsi drubb leit mitt eem ganga. Es voah en blindah mann datt es Bartimaeus kaysa hott. Eah voah em Timaeus sei boo un hott nayvich em vayk kokt am bedla.

Jeremia 31:21

“Doond signs uf un meiket da vayk; setzet poshta uf fa's meika. Haldet eiyah gedanka uf em vayk, uf em vayk es diah nemma sellet. Kumm zrikk, oh beleebt Israel, kumm zrikk zu dei shtett.

Jesoiya 62:10

Gaynd deich, gaynd deich di doahra! Rishtet da vayk fa di leit. Bauwet da vayk, bauwet da vayk, nemmet di shtay ab. Hayvet da flag uf ivvah di leit.

Jesoiya 36:2

No hott da kaynich funn Assyria sei feld-hauptmann funn Lachis zumm Kaynich Hiskia kshikt in Jerusalem. Eah hott en oahrichi grohsi drubb greeks-gnechta mitt eem kshikt. Da feld-hauptmann hott nayksht an di grikk fumm evvahshta vassah-loch kshtobt. Dess voah uf em vayk noch em blatz es di leit iahra glaydah gvesha henn.

Jesoiya 7:3

No hott da Hah ksawt zumm Jesoiya, “Du un dei boo, da Sear-Jasub, sellet naus gay un shvetza zumm Ahas. Gaynd naus an da blatz vo's vassah in's evvahsht vassah-loch lawft un vo glaydah gvesha vadda am vayk nohch.

Shpricha 16:17

Da vayk funn di ufrichticha drayt vekk funn evil, un veah sei vayk vatsht hald sei layva.

2. Kaynicha 18:17

Da kaynich funn Assyria hott da Tartan, da Rabsaris un sei feld-hauptmann funn Lachis zumm Kaynich Hiskia kshikt an Jerusalem mitt en grohsi army. Si sinn ruff an Jerusalem kumma un henn kshtobt am vayk nayvich em grawva fumm evvahshta vassah-loch, datt vo di duch-veshah shaffa.

1. Samuel 6:12

Un di kee sinn grawt noch Beth-Semes ganga; si sinn am vayk nohch ganga, am bladda vi si ganga sinn un sinn nett rechts adda lings gedrayt. Un di roolahs funn di Philishtah sinn eena nohch ganga biss an's land funn di shtatt Beth-Semes.

Richtah 21:19

Avvah si henn ksawt, “Gukket moll, es is en grohs essa kalda zumm Hah an Silo alli yoah.” (Silo is nadda funn Beth-El, sauda funn Lebona un east fumm vayk es funn Beth-El noch Sichem gayt.)

4. Mosi 20:19

Di Kinnah-Israel henn no ksawt: “Miah gayn yusht ivvah da grohs vayk, un vann miah adda unsah fee ennich's funn eiyah vassah drinkt, dann betzawla miah difoah. Miah vella yusht deich lawfa, nix shunsht.”

2. Samuel 20:1

Nau's voah en nix-nutzichah mann es Seba kaysa hott. Eah voah em Bichri sei boo funn di shtamm fumm Benjamin. Da Seba voah datt, un eah hott's blohs-hann geblohsa un hott naus gegrisha, “Miah henn kenn shiah im Dawfit, un kenn dayl im Jesse sei boo sei eahbshaft. Alli-ebbah in sei tents, oh Israel!”

2. Samuel 20:11

Ayns fumm Joab sei mennah es nayvich em Amasa sei doht leib kshtanna hott, hott ksawt, “Dee es bei em Joab sinn un fa da Dawfit sinn sella em Joab nohch gay!”

2. Samuel 20:14

Da Seba is deich awl di shtamma funn Israel iahra lendah ganga zu Abel in Beth-Maacha, un deich's gans land funn di Beriddah. Di leit funn dee lendah henn sich zammah fasammeld un sinn em Seba nohch ganga.