2. Samuel 18:14 - Pennsylvania Dutch Bible

¹⁴ Da Joab hott no ksawt, “Ich kann nett do zeit faveila mitt diah.” No hott eah drei shpiahs in di hand gnumma un hott si deich em Absalom sei hatz kshtohsa diveil es eah noch levendich im aycha-bohm voah.

2. Samuel 18:14 Referans Kwoze

1. Thessalonicher 5:3

Vann leit sawwa, “Fridda, un miah henn kenn kfoah,” no bletzlich kumd dess fadeahves uf si vi di shmatza uf en fraw vo en kind havva zayld. Un nimmand kann vekk difunn.

Matthäus 12:40

So vi da Jona drei dawk un drei necht im valfish sei bauch voah, so zayld da Mensha Sohn drei dawk un drei necht in di mitt funn di eaht sei.

Psalm 45:5

Loss dei shaufi arrows deich di hatza shtecha fumm kaynich sei feinda; loss di heida unnich dei fees falla.

2. Samuel 18:5

Da kaynich hott no ksawt zumm Joab, em Abisai un em Itthai, “Gaynd leicht mitt da yung mann, Absalom, fa mei sayk.” Awl di mennah henn da Dawfit keaht gebodda gevva veyyich em Absalom zu sei ivvah-saynah.

2. Samuel 14:30

No hott da Absalom ksawt zu sei gnechta, “Gukket moll, em Joab sei feld is nayvich meim un eah hott geahsht drinn. Gaynd un shtekket's oh.” So henn em Absalom sei gnechta's feld ohkshtekt mitt feiyah.

Richtah 5:31

So loss awl dei feinda umkumma, oh Hah! Avvah loss selli es dich leeva, greftich sei vi di sunn es am uf kumma is.” No hott's land fridda katt fa fatzich yoah.

Richtah 5:26

Iahra hand hott naus glangd fa da tent-shtikkel, iahra rechtsi hand fa da shaff-leit hammah. See hott da Sisera kshlauwa, un sei kobb fabrocha, see hott sei shtann fabrocha un deich kshtocha.

Richtah 4:21

Avvah di Jael, em Heber sei fraw, hott en tent-shtikkel un en hammah in iahra hend gnumma, is nuff kshlicha un hott da shtikkel deich sei kobb gedrivva nunnah in da grund diveil es eah am shlohfa voah, fa eah voah oahrich meet. So is da Sisera kshtauva.

2. Samuel 12:10

Fasell zayld's shvatt dei haus nee nett falossa, veil du mich fa'acht hosht un em Uriah da Hethiddah sei fraw zu diah gnumma fa dei fraw sei.’

2. Samuel 18:15

Un zeyya fumm Joab sei greeks-ksha drawwah sinn um da Absalom rumm ganga un henn een kshlauwa un en doht gmacht.

2. Samuel 19:1

Es voah no ksawt gvest zumm Joab, “Da kaynich is am heila, am heila fa da Absalom.”

2. Samuel 19:11

Da Kaynich Dawfit hott no dess vatt kshikt zu di preeshtah Zadok un Abiathar: “Frohwet di eldishti funn Juda, ‘Favass seddet diah di letshta sei fa da kaynich zrikk an sei kaynich-haus bringa, siddah es es vatt funn gans Israel zumm kaynich kumma is vo eah bleibt?

Hiob 20:5

es di gottlohsa nett lang fraylich sinn, un di frayt funn en evilah mann gans katz is?

Psalm 37:35

Ich habb en gottlohsah mann ksenna es leit nunnah drett, un es sich grohs un brayt gmacht hott vi en greenah bohm,