2. Samuel 16:20 - Pennsylvania Dutch Bible

²⁰ Da Absalom hott no ksawt zumm Ahithophel, “Gebb uns dei roht. Vass sedda miah nau du?”

2. Samuel 16:20 Referans Kwoze

Matthäus 27:1

Vo meiyets kumma is, henn awl di hohchen-preeshtah un di eldishti sich fasammeld un henn dess fashvetzt. Si henn grohda geyyich Jesus fa een doht macha.

Jesoiya 29:15

Vay zu selli es hatt broviahra fashtekla fumm Hah vass si im sinn henn fa du, zu selli es iahra sacha doon im dunkla, un sawwa, “Veah saynd uns? Veah zayld's vissa?”

Jesoiya 8:10

Gevvet nannah roht, avvah's kumd zu nix, shvetzet zammah, avvah's shaft nett aus, veil Gott bei uns is.

Shpricha 21:30

'Sis kenn veisheit, kenn eisicht un kenn roht, es ufshtay kann geyyich da Hah.

Psalm 2:2

Di kaynicha funn di eaht setza sich uf, un di roolahs fasamla sich zammah geyyich da Hah, un geyyich sei Ksalbdah.

2. Mosi 1:10

Kummet, miah missa uns vatsha vi miah shaffa mitt eena, adda's gebt yusht noch may funn eena. Un vann's greek gebt, mechta si nivvah gay un selli helfa es geyyich uns fechta, un mechta no's land falossa.”

2. Samuel 16:19

Ennichah, veah sett ich deena? Sett ich nett sei boo deena? Grawt vi ich dei daett gedeend habb, so vill ich dich deena.”

2. Samuel 16:21

Da Ahithophel hott gandvat, “Gay nei un shlohf mitt dei daett sei nayva-veivah es eah do glost hott fa acht gevva uf's kaynich-haus. No zayld gans Israel heahra es du dich grausam gmacht hosht zu dei daett, un selli bei diah vadda fagrefticht.”

2. Samuel 15:12

Diveil es da Absalom am opfahra macha voah, hott eah vatt kshikt zumm Ahithaphel in sei shtatt Gilo fa kumma funn datt. Da Ahithaphel voah em Dawfit sei roht-gevvah. So is di shkeem geyyich da kaynich als shteikah vadda, un may un may leit sinn em Absalom nohch ganga.