1. Timotheus 5:1 - Pennsylvania Dutch Bible

¹ Zank nett en eldra mann avvah famohn een vi du en faddah daytsht. Un famohn di yunga mennah es vi du breedah daytsht.

1. Timotheus 5:1 Referans Kwoze

3. Mosi 19:32

Shtay uf fannich di grohwa kebb, eah di eldra un fircht dei Gott. Ich binn da Hah.

Titus 2:2

Lann di eldra mennah fa sohbah un nett ivvah-di-maws sei; nett leicht-hatzich, avvah fashtendlich sei, un gegrund sei im glawva, di leevi un di geduld.

1. Petrus 5:1

Di eldishti vo unnich eich sinn doon ich famohna. Ich binn aw en mitt-eldishtah vo zeiknis gebt zumm leides funn Christus, un vo aw en dayl havva zayld in di hallichkeit vass gvissa sei zayld.

Galater 6:1

Leevi breedah, vann en mensh ivvah-gnumma vatt in en faylah, diah vo geishtlich sind sellet so aynah viddah zrikk helfa mitt en sanftmeedichah geisht. Avvah gevvet acht es diah nett aw fasucht vaddet.

Titus 2:6

Di yungi mennah solsht aw famohna es si sich selvaht meishtahra.

Matthäus 23:8

Avvah diah sellet nett Rabbi kaysa sei, fa diah hend ay meishtah Christus, un diah sind awl breedah.

1. Timotheus 5:17

Di eldishti es iahra deensht goot ausfiahra sinn's veaht fa double di eah havva, un ennichah selli vo breddicha un aw anri lanna doon.

Römer 13:7

So gevvet zu yaydah vann funn eena vass si am kumma henn. Betzawlet awl eiyah tax vann diah tax shuldich sind. Shtaynd unnich eena mitt furcht, un gevvet eena di eah es zu eena heaht.

Di Apostelgeschichte 15:4

Vo si an Jerusalem kumma sinn hott di gmay si eignumma, un so henn aw di aposhtla un di eldishti. Datt henn si alles fazayld es Gott gedu hott mitt eena.

Di Apostelgeschichte 14:23

Si henn eldishti gmacht in awl di gmayna, un henn kfasht un gebayda. No henn si di gmay ivvah-gevva zumm Hah, deah vo si droh geglawbt henn.

Di Offenbarung 4:4

Um deah kaynich-shtool rumm voahra fiah un zvansich anri shteel. Uf dee shteel voahra fiah un zvansich eldishti kokt in veisi glaydah, un si henn goldichi krohna uf iahra kebb katt.

3. Johannes 1:1

Da eldishtah: zu em leeblicha Gaius, deah vo ich leeb habb in di voahheit.

2. Johannes 1:1

Da eldishtah: zu di raus groofa fraw un iahra kinnah, vo ich leeb habb in di voahheit; un nett yusht ich, avvah awl selli aw es di voahret vissa.

Jakobus 5:14

Is ennichah grank unnich eich? Loss een roofa fa di eldishti funn di gmay, un losset si bayda ivvah een, un een salba mitt ayl im nohma fumm Hah.

Jakobus 3:17

Avvah di veisheit funn ovva-heah is seahsht rein, no fridlich, freindlich, mitt-leidich, foll bamhatzichkeit un goodi frucht, unni unnahshitt un is unni falshheit.

Di Apostelgeschichte 20:17

Da Paulus hott vatt funn Miletus zu Ephesus kshikt un hott di deenah funn di gmay groofa.

Di Apostelgeschichte 15:6

Un di aposhtla un eldishti sinn zammah kumma fa dee sach fahandla.

5. Mosi 33:9

Eah hott ksawt veyyich sei maemm un daett, ‘Si mayna nix zu miah.’ Eah hott nix um sei breedah gevva, un hott sei kinnah nett gacht. Avvah eah hott dei vatt keicht, un hott dei bund kalda.

1. Timotheus 5:2

Famohn di alda veibsleit es vi muddahra un di yunga vi shveshtahra mitt sauvahri gedanka.