1. Samuel 30:4 - Pennsylvania Dutch Bible

⁴ Da Dawfit un sei mennah henn laut keild biss si kenn grefta may katt henn fa heila.

1. Samuel 30:4 Referans Kwoze

1. Samuel 11:4

Vo di gebodda-drawwah am Saul sei shtatt Gibea kumma sinn un henn selli vadda ksawt zu di leit, henn si awl laut keild.

1. Samuel 4:13

Vo eah kumma is, voah da Eli am uf seim shtool hokka nayvich em vayk am vatsha, veil sei hatz sich kfeicht hott veyyich di Bundes-Lawt funn Gott. Vo da mann in di shtatt kumma is un hott fazayld vass blatz gnumma katt hott, hott di gans shtatt naus gegrisha.

Richtah 21:2

Di leit sinn no an Beth-El ganga un henn sich fannich Gott kokt biss ohvets. Datt henn si laut keild.

Richtah 2:4

Un vo da engel fumm Hah dee sacha ksawt katt hott zu awl di Kinnah-Israel, henn si laut keild mitt iahra shtimma.

4. Mosi 14:39

Vo da Mosi dess ksawt hott zu di Kinnah-Israel, dann henn si oahrich keild.

4. Mosi 14:1

No henn di leit funn di gans fasamling ohkfanga laut heila un si henn di gans nacht keild.

Ezra 10:1

Diveil es da Ezra fannich em haus funn Gott gleyya hott am bayda un heila, un am sich bekenna, hott en grohsi drubb mansleit, veibsleit un kinnah sich fasammeld um een rumm. Si henn aw biddahlich keild.

1. Samuel 30:3

Vo da Dawfit un sei mennah zrikk an Ziklag kumma sinn, voah di shtatt nunnah gebrend, un iahra veivah un kinnah, boova un mayt, voahra awl fatt gnumma.