1. Samuel 27:10 - Pennsylvania Dutch Bible

¹⁰ Vann da Achis een kfrohkt hott, “Vo sind diah hee ganga rawva heit?” no hott da Dawfit als ksawt, “Miah sinn nunnah ganga in's sauda-land funn Juda,” adda “in's sauda-land funn Jerahmeel,” adda “in's sauda-land funn di Keniddah.”

1. Samuel 27:10 Referans Kwoze

Richtah 1:16

Di Keniddah leit voahra di nohch-kummashaft fumm Mosi sei shviah-daett. Si henn di shtatt funn Di Palma falossa un sinn mitt di kinnah fumm Juda ganga un henn glaybt mitt di leit in di vildahnis. Dess voah in di saut fumm land Juda nayksht an di shtatt Arad.

1. Chronik 2:25

Dess sinn di kinnah fumm Jerahmeel, em Hezron sei eahsht-geboahranah: Iahra nayma voahra Ram, da eahsht-geboahra, Buna, Oren, Ozem un Ahia.

1. Chronik 2:9

Em Hezron sei boova voahra da Jerahmeel, da Ram un da Chalubai.

1. Samuel 30:29

in Rachal, zu selli in di shtett funn di Jerahmeeliddah un di Keniddah,

Richtah 4:11

Nau en veil eb dess, hott da Heber da Keniddah di anra Keniddah falossa katt. Di Keniddah voahra funn di nohch-kummashaft fumm Hobab, em Mosi sei shviah-broodah. Da Heber hott sei tent uf gedu katt beim grohsa bohm in Zaanannim nayksht an Kedes.

Epheser 4:25

Fasell doond di unvoahret vekk funn eich un sawwet yusht di voahret zu nannah, fa miah sinn awl daylah funn-nannah.

Shpricha 29:25

Di furcht fumm mensh setzt en fall, avvah veah sich falost uf da Hah, bleibt aus di kfoah.

Psalm 119:163

Ich hass un gleich nett falshheit, avvah ich habb dei ksetz leeb.

Psalm 119:29

Hald mich funn falshi vayya, un sei gnaydich zu miah deich dei ksetz.

2. Samuel 17:20

Vo em Absalom sei mennah an di fraw iahra haus kumma sinn, henn si kfrohkt, “Vo is da Ahimaaz un da Jonathan?” Di fraw hott ksawt, “Si sinn ivvah di grikk nivvah ganga.” Di mennah henn no alles ausksucht avvah henn nimmand kfunna, so sinn si viddah zrikk an Jerusalem ganga.

1. Samuel 23:27

Avvah yusht no is en gebodda-drawwah zumm Saul kumma un hott ksawt, “Dummel dich un kumm; di Philishtah sinn am in's land kumma un am's rawva.”

1. Samuel 21:2

Da Dawfit hott ksawt zumm Ahimelech da preeshtah, “Da kaynich hott miah en eahvet gevva zu du, un hott ksawt zu miah, ‘Loss nimmand vissa veyyich dee eahvet es ich am dich anna shikka binn.’ Ich habb mei mennah ksawt fa an en blatz gay un ich dreff si no datt oh.

1. Samuel 15:6

Eah hott vatt kshikt zu di Keniddah un hott ksawt, “Gaynd vekk funn di Amalekiddah so es ich eich nett ausbutz mitt eena. Diah voahret goot-maynich zu di Kinnah-Israel vo si ruff aus Egypta kumma sinn.” So sinn di Keniddah vekk gezowwa funn di Amalekiddah.

Richtah 5:24

Ksaykend unnich di veibsleit is di Jael, di fraw fumm Heber, da Keniddah, ksaykend ovvich awl di veibsleit es in tents voona.

4. Mosi 24:21

No hott eah di Keniddah ksenna un hott dess ksawt: “Dei voon-blatz is fesht, un dei nesht is im felsa;

1. Mosi 27:24

un hott ksawt, “Bisht du geviss mei sohn da Esau?” Un eah hott ksawt, “Ich binn.”

1. Samuel 27:11

Eah hott kenn mennah un veibsleit levendich glost fa si zrikk bringa an Gath, veil eah kfeicht hott si farohda si un sawwa, “Dess is vass da Dawfit gedu hott.” Dess is vass eah gedu hott so lang es eah im land funn di Philishtah gvoond hott.

1. Samuel 29:8

Avvah da Dawfit hott kfrohkt, “Vass habb ich gedu? Vass hosht du kfunna geyyich dei gnecht fumm dawk es ich zu diah kumma binn biss nau? Favass kann ich nett gay fechta geyyich di feinda funn meim meishtah da kaynich?”