1. Samuel 26:23 - Pennsylvania Dutch Bible

²³ Da Hah betzawld yaydah mann fa sei gerechtichkeit un shtandhaftichkeit. Da Hah hott dich ivvah-gedrayt in mei hand heit, avvah ich habb's nett gedu fa mei hand naus shtrekka geyyich em Hah sei ksalbdah.

1. Samuel 26:23 Referans Kwoze

Psalm 62:12

Un zu diah, oh Hah, heaht grohsi leevi, fa du bezawlsht yaydah ebbah fa vass eah fadeend hott.

Nehemia 13:14

Denk an mich fa dess, oh mei Gott, un reib nett aus vass ich so shtandhaftich gedu habb fa's haus funn mei Gott un da deensht datt drinn.

1. Kaynicha 8:32

no heich's ab im himmel un shaff's aus. Richt zvishich dei gnechta, fadamm sellah es shuldich is un bring's runnah uf sei ayknah kobb, avvah hayb sellah gerecht es unshuldich is noch sei gerechtichkeit.

1. Samuel 26:11

Avvah loss da Hah mich halda funn mei hand uf em Hah sei ksalbdah layya. Nau grikk sei shpiah un da vassah-tsheah nayksht an seim kobb un vella gay.”

1. Samuel 26:9

Avvah da Dawfit hott ksawt zumm Abisai, “Mach een nett doht; veah kann sei hand naus shtrekka geyyich em Hah sei ksalbdah un shuldlohs sei?”

1. Samuel 24:12

Loss da Hah richta zvishich miah un diah. Un loss da Hah zrikk betzawla fa's letza es du miah gedu hosht, avvah mei hand zayld nett geyyich dich sei.

1. Samuel 24:18

Du hosht yusht nau miah ksawt fumm goodes es du gedu hosht zu miah, un es da Hah mich in dei hend gedu hott, un doch hosht du mich nett doht gmacht.

1. Samuel 24:19

Vann en mann sei feind find, dutt eah een gay lossa unni eem shawda du? Loss da Hah dich zrikk betzawla mitt goodes fa vass du gedu hosht zu miah heit.

1. Samuel 26:22

Da Dawfit hott no ksawt, “Do is em kaynich sei shpiah. Loss ayns funn dei yungi mennah rivvah kumma un en greeya.

2. Samuel 22:21

Grawt vi gerecht es ich voah, so oahrich hott da Hah kshaft mitt miah, vi sauvah es mei hand voah, so oahrich hott eah mich zrikk betzawld.

1. Samuel 24:11

Nau, mei faddah, gukk moll, do is en shtikk funn deim leib-rokk in mei hand! Ich habb en ekk funn deim rokk abkshnidda, avvah ich habb dich nett doht gmacht. Nau kansht du vissa un fashtay es ich nett shuldich binn funn diah letz du adda geyyich dich shaffa. Ich habb diah nett letz gedu avvah du bisht miah nohch fa mei layva nemma.

2. Samuel 22:25

Da Hah hott mich betzawld fa vi gerecht es ich voah, fa vi sauvah es ich voah fannich eem.

Hiob 34:11

Eah betzawld da mensh fa sell es eah fadeend hott, un bringd uf een vass zu eem heaht.