1. Samuel 22:18 - Pennsylvania Dutch Bible

¹⁸ No hott da kaynich ksawt zumm Doeg, “Dray du dich un shlakk di preeshtah nunnah.” So hott da Doeg, da Edomiddah, sich rumm gedrayt un hott si nunnah kshlauwa. Sellah dawk hott eah fimf un achtzich mennah doht gmacht es linnen preeshtah-shatza gvoahra henn.

1. Samuel 22:18 Referans Kwoze

Zephania 3:3

Iahra evvahshti sinn roahrichi layb, iahra richtah sinn vi velf sinn ohvets es nix ivvahrich lossa fa meiyets.

Micha 6:16

Dess is veil diah di adninga fumm Kaynich Omri haldet, diah doond awl di verka fumm Ahab sei haus, un lawfet vi si eich rohda. Fasell gebb ich eich ivvah zu eiyah ayya fadauves; eiyah leit zayla falacht sei, un diah misset da shpott funn anri leit drawwa.”

Hosea 7:3

Si macha da kaynich froh mitt iahra ungettlichkeit, un di evvahshti mitt iahra leeya.

Hosea 5:11

Ephraim is nunnah gedredda, un in gericht fashtambt vadda, veil eah mensha hilf ksucht hott.

2. Chronik 24:21

Avvah si henn geyyich een kshaft. Da kaynich hott's gebott gevva, un si henn een doht kshtaynicht im foah-hohf fumm Hah sei tempel.

1. Samuel 2:36

Un alli-ebbah es ivvahrich is in deim haus zayld kumma un sich nunnah bikka fannich eem fa en shtikk silvah un en shtikk broht, un zayld sawwa, “Gebb miah en dayl funn di preeshtah eahvet so es ich en shtikk broht habb zu essa.”’”

1. Samuel 2:28

Habb ich nett dei faddah raus glaysa aus awl di shtamma funn Israel fa mei preeshtah sei, fa nuff an mei awldah gay, fa insens brenna, fa en preeshtah-shatz veahra fannich miah, un habb ich nett zu dei faddah sei haus awl di opfahra gevva es gmacht sinn mitt feiyah bei di Kinnah-Israel?

1. Samuel 2:18

Nau da Samuel voah en deenah fannich em Hah, un da boo hott en linnen preeshtah-shatz gvoahra.

2. Mosi 28:40

Mach aw rekk, duch-belts un kobb-banda fa em Aaron sei boova. Dess macht si hallichkeit havva un gebt eena eah.

Psalm 78:64

Iahra preeshtah sinn umkumma bei em shvatt, un iahra vitt-veivah henn nett heila kenna.

Shpricha 24:15

Lei nett anna am voahra vi en gottlohsah mensh, fa in en gerechtah mann sei haus gay; gay nett nei fa een rawva;