1. Samuel 17:45 - Pennsylvania Dutch Bible

⁴⁵ Da Dawfit hott ksawt zumm Philishtah, “Du kumsht zu miah mitt en shvatt, shpiah un en shield, avvah ich kumm zu diah im nohma fumm Awlmechticha Hah, da Gott funn di Israeliddah greeks-gnechta es du gedroit hosht.

1. Samuel 17:45 Referans Kwoze

2. Korinther 10:4

Fa's greeks-ksha funn unsahm shtreit is nett nadiahlich, avvah mechtich deich Gott, un kann shteiki vanda runnah reisa.

2. Chronik 32:8

Sei oahm is da oahm funn flaysh, avvah mitt uns is da Hah unsah Gott fa uns helfa un fechta fa uns.” Un di leit henn sich falossa uf di vadda fumm Kaynich Hiskia funn Juda.

2. Korinther 3:5

Nett es miah goot genunk sinn fa denka es ennich ebbes kumd funn uns selvaht, avvah alles es miah du kenna kumd funn Gott;

Philipper 4:13

Ich kann alles du deich Christus vo miah graft gebt.

Psalm 18:2

Da Hah is vi en felsa un en shteik greeks-haus zu miah. Eah macht mich frei. Mei Gott is vi en felsa es ich hinna droh shtay kann unni kfoah. Eah is mei shield un's greftich hann funn mei saylichkeit, mei shteikah helfah.

Psalm 124:8

Unsah hilf is im nohma fumm Hah, deah es da himmel un di eaht gmacht hott.

1. Samuel 17:36

Dei gnecht hott da layb un da beah awl zvay doht gmacht. Deah unbeshnidda Philishtah zayld sei vi ayns funn eena, veil eah di greeks-gnechta fumm Levendicha Gott gedroit hott.

Jesoiya 37:23

Veah hosht du faniddaht un faleshtaht? Geyyich veah hosht du dei shtimm laut gmacht un dei awwa uf gmacht mitt hohchmoot? Geyyich mich, da Heilich Gott funn Israel!

1. Samuel 17:10

No hott da Philishtah ksawt, “Ich shtay heit uf geyyich di gans drubb greeks-gnechta funn Israel. Shikket miah en mann, so es miah nannah fechta kenna.”

Psalm 3:8

Di hilf kumd fumm Hah. Loss dei sayya uf dei leit kumma. (Sela)

Shpricha 18:10

Da nohma fumm Hah is vi en shteikah tavvah, en gerechtah mann kann datt anna shpringa un is sayf.

Psalm 44:6

Ich faloss mich nett uf mei bow, un mei shvatt gebt miah nett ivvah-hand.

Jesoiya 37:28

Avvah ich vays vo du bleibsht, un vann du gaysht adda kumsht, un ich vays vi du rawsht geyyich mich.

1. Samuel 17:26

No hott da Dawfit kshvetzt zu di mennah es datt kshtanna henn un hott ksawt, “Vass grikt da mann es deah Philishtah doht macht un nemd deah shohm funn Israel? Veah is deah unbeshnidda Philishtah es eah di greeks-gnechta fumm Levendicha Gott fashpodda dutt?”

1. Samuel 17:6

Eah hott bronze shields ivvah sei bay gvoahra, un hott en leichtah shpiah uf sei shuldah henka katt.

2. Chronik 14:10

Da Asa is no naus ganga fa si ohdreffa. Si henn sich grisht fa fechta in di Valley funn Zephatha nayksht an Maresa.

Psalm 20:8

Si sinn niddah gebrocht vadda un sinn kfalla, avvah miah sinn ufkshtanna un shtayn grawt.