1. Samuel 1:2 - Pennsylvania Dutch Bible

² Da Elkana hott zvay veivah katt. Ayni hott Hannah kaysa un di annah hott Peninnah kaysa. Di Peninnah hott kinnah katt avvah di Hannah hott kenni katt.

1. Samuel 1:2 Referans Kwoze

Lukas 1:7

Avvah si henn kenn kinnah katt veil di Elizabeth kenni havva hott kenna un si voahra awl zvay shund ald.

Matthäus 19:8

Eah hott ksawt zu eena, “Deich eiyah haddi hatza hott da Mosi eich alawbt en divorce-shreives gevva un eiyah veivah funn eich vekk du, avvah am ohfang voah's nett so.

Richtah 13:2

Uns voah en mann funn Zora es Manoah kaysa hott. Eah voah funn em kshlecht fumm Dan, un sei fraw hott kenn kinnah havva kenna.

Richtah 8:30

Da Gideon hott sivvatzich boova katt veil eah feel veivah katt hott.

1. Mosi 29:31

Da Hah hott ksenna es di Lea kenn leevi grikt hott, so hott eah gmacht es see kinnah havva hott kenna. Avvah di Rachel hott kenni havva kenna.

1. Mosi 25:21

Da Isaac hott zumm Hah gebayda veil sei fraw di Rebekka kenn kinnah havva hott kenna. Un da Hah hott eem abkeicht un sei fraw di Rebekka is uf em family vayk vadda.

1. Mosi 4:23

Un da Lamech hott ksawt zu sei veivah, “Ada un Zilla, heichet mich ab, diah veivah fumm Lamech, un meiket vass ich eich sawk. Ich habb en mann doht gmacht veil eah mich vay gedu hott. Deah yung mann hott mich kshlauwa katt.

Lukas 2:36

Es voah en veibsmensh brofayt datt es Hanna kaysa hott. See voah em Phanuel sei maydel un voah funn di nohch-kummashaft fumm Asser. See voah oahrich ald, un hott yusht sivva yoah mitt iahrem mann glaybt noch demm es si keiyaht voahra,

1. Mosi 4:19

Da Lamech hott zvay veivah zu sich gnumma. Da nohma funn di aynd voah Ada un di annah hott Zilla kaysa.

1. Mosi 11:30

Di Sarai voah unfruchtboah un hott kenn kinnah katt.