1. Mosi 6:3 - Pennsylvania Dutch Bible

³ No hott Gott ksawt, “Mei Geisht zayld nett shtreida mitt mensha fa'immah veil si mensha flaysh sinn, avvah iahra dawwa sella noch en hunnaht un zvansich yoah sei.”

1. Mosi 6:3 Referans Kwoze

Nehemia 9:30

Avvah deich mannichi yoahra voahsht du geduldich mitt eena. Bei dei Geisht hosht du si famohnd deich dei brofayda, avvah si henn dess fa'acht. So hosht du si ivvah-gedrayt zu di leit funn anri lendah.

Jeremia 11:11

Fasell sawkt da Hah dess, ‘Gukk moll, ich zayl evil uf si kumma lossa es si nett vekk kenna difunn. Even vann si roofa zu miah, zayl ich si nett abheicha.

Jesoiya 63:10

Avvah si henn sich kshteibaht un henn sei Heilichah Geisht bedreebt. So hott eah sich gedrayt un is iahra feind vadda, un hott geyyich si kfochta.

Psalm 78:39

Eah hott gmeind es si yusht flaysh voahra, en vind es fabei blohst un kumd nett viddah zrikk.

Di Apostelgeschichte 7:51

Diah sind dikk-kebbich un eiyah hatza un oahra sinn nett bekeaht. Diah doond immah shaffa geyyich da Heilich Geisht; so vi eiyah foah-feddah henn, so doond diah.

4. Mosi 11:17

No kumm ich nunnah un shvetz zu diah datt, un nemm fumm Geisht es uf diah is un du da Geisht uf si. Si zayla no diah helfa da lasht funn di leit drawwa, so es du's nett laynich drawwa brauchsht.

1. Thessalonicher 5:19

Machet's feiyah fumm Geisht nett aus.

Johannes 3:6

Vass fumm flaysh geboahra is, sell is flaysh, un vass fumm Geisht geboahra is, sell is Geisht.

Jesoiya 5:4

Vass may hett ich du kenda fa mei vei-goahra es vass ich shund gedu habb? Vo ich gegukt habb fa goodi drauva, favass hott's yusht shlechti gevva?

Jeremia 11:7

Funn di zeit es ich eiyah foah-feddah ruff aus Egypta-Land gebrocht habb biss heit, habb ich si ivvah un ivvah gvand, un ksawt, ‘Diah misset mei shtimm abheicha.’

1. Mosi 6:2

dann henn di kinnah funn Gott ksenna es di mayt funn mensha shay voahra, un si henn veivah gnumma fa sich selvaht, ennichi es si henn vella.

Jesoiya 57:16

Ich zayl nett immah pshuldicha, un aw nett immah zannich sei, veil iahra geisht matt vadda dayt fannich miah, un aw da ohften im mann es ich gmacht habb.

Psalm 90:10

Di leng funn unsah dawwa sinn sivvatzich yoah, adda achtzich, vann miah shteik sinn; avvah di besht funna bringa yusht eahvet un druvvel, si sinn glei ivvah un miah sinn nimmi do.