1. Mosi 2:7 - Pennsylvania Dutch Bible

⁷ No hott Gott da Hah samm shtawb fumm grund gnumma un hott en mensh gmacht. Eah hott en levendichah ohften in sei naws kshnauft, un da mensh is en levendichi sayl vadda.

1. Mosi 2:7 Referans Kwoze

1. Korinther 15:45

So shtayt's kshrivva, “Da eahsht mann Adam is en levendichi sayl vadda;” da letsht Adam is en geisht vadda vo layva gebt.

Hiob 33:4

Da Geisht Gottes hott mich gmacht, un da ohften fumm Awlmechticha gebt miah layva.

Breddichah 12:7

eb da shtawb zrikk drayt zu grund, vo eah bei kumma is un eb da geisht zrikk gayt zu Gott, deah es een gevva hott.

Jesoiya 64:8

Doch, oh Hah, du bisht unsah Faddah. Miah sinn da clay, un du bisht da heffa-machah; awl funn uns sinn di eahvet funn dei hand.

Di Apostelgeschichte 17:25

Miah mensha kenna een aw nett deena mitt unsah hend, es vann eah ennich ebbes breicht. Eah hott alli-ebbah layva un ohften un alles gevva.

1. Korinther 15:47

Da eahsht mensh is funn di eaht un is eahtlich; da zvett mensh is da Hah fumm Himmel.

1. Mosi 3:19

Deich da shvitz funn deim ksicht solsht du dei ess-sach fadeena biss du viddah zu eaht draysht, veil du funn di eaht kumsht. Du bisht eaht, un solsht viddah eaht vadda.”

Hiob 27:3

so lang es ich layva habb in miah, un da ohften funn Gott in mei naws is,

1. Mosi 7:22

Alles es uf drukka land ganga is un levendichah ohften katt hott, is fasoffa.

Sacharia 12:1

Dess is es vatt fumm Hah veyyich Israel. Da Hah, deah es di himla auskshtrekt hott, deah es di mavvah funn di eaht gmacht hott un es da ohften in da mensh gedu hott—sellah Hah sawkt:

Psalm 103:14

Fa eah vayst vi miah gmacht sinn, un denkt droh es miah yusht shtawb sinn.

Psalm 100:3

Bekennet es da Hah Gott is; eah hott uns gmacht, un miah sinn sei; miah sinn sei leit, un di shohf funn sei vayt.

Römer 9:20

Avvah du, leevichah mensh, veah bisht du, es du zrikk shvetsht zu Gott? Es ding vo gmacht is sawkt nett zu demm vo's gmacht hott, “Favass hosht du mich gmacht vi dess?”

Jesoiya 2:22

So heahret uf eiyah fadrauwa in da mensh du, deah es yusht en ohften in di naws is. Vass is eah veaht?

1. Mosi 3:23

fasell hott Gott da Hah een naus kshikt aus em Goahra-Ayden fa da grund shaffa. Dess is da grund es eah difunn gnumma gvest voah.

Hebräer 12:9

Miah henn unsah nadiahlichi feddah vo uns kshtrohft henn, un miah gukka nuff zu eena. Vi feel may sedda miah uns unnich da Faddah funn geishta gevva, un no layva?

4. Mosi 16:22

Avvah da Mosi un da Aaron sinn's ksicht feddahsht uf da grund kfalla un henn ksawt, “Oh Gott, du bisht da Gott funn alli mensh sei geisht. Zaylsht du bays sei mitt di gans fasamling vann yusht ay mann sindicht?”

Shpricha 20:27

Da geisht fumm mensh is es licht funn Gott, un dess licht sucht alles aus im innahlicha mensh.

Hiob 33:6

Ich binn grawt vi du fannich Gott, un ich binn aw aus eaht gmacht.

2. Korinther 5:1

Miah vissa dess, vann unsah eahtlich haus vass miah drinn layva nunnah grissa vatt, dann henn miah en gebei funn Gott, en haus es nett gmacht is mitt hend un vo ayvich is im Himmel.

2. Korinther 4:7

Avvah miah henn dee keshtlicha sacha in eahdichi ksharra, so es di unbegreiflich graft kumd funn Gott, un nett funn uns.

Johannes 20:22

Un vo eah dess ksawt katt hott, hott eah uf si kshnauft un hott ksawt zu eena, “Nau nemmet da Heilich Geisht.

Hiob 4:19

vi feel may dutt eah's zu selli es gmacht sinn funn di eaht, zu selli es gegrund sinn im shtawb, un es kshvindah fadrikt sinn es en shawb!

4. Mosi 27:16

“Oh Hah, da Gott funn di geishta funn awl mensha, setz en mann ivvah dee drubb leit

Breddichah 3:7

En zeit fa funn-nannah reisa, un en zeit fa zammah nayya; en zeit fa shtill sei, un en zeit fa shvetza.

1. Timotheus 2:13

Fa da Adam voah seahsht kshaffa, no dinohch di Ayfaw.

1. Mosi 2:6

Avvah en nevvel is als ruff kumma funn di eaht un hott's gans land gvessaht.

Glawk-Leedah 4:20

Em Hah sei ksalbdah, deah ohften funn unsah layva, voah kfanga in iahra falla. Veyyich eem henn miah als ksawt, “Unnich seim shadda zayla miah layva mitt di heida um uns rumm.”

Ezekiel 37:5

Dess is vass da Awlmechtich Hah sawkt zu dee gnocha: Gukket moll, ich zayl ohften in eich du, un diah vaddet viddah levendich.

1. Mosi 1:27

So hott Gott mensha kshaffa in sei aykni gleichnis. In di gleichnis funn Gott hott eah da mann un's veibsmensh kshaffa.

Ezekiel 37:6

Ich zayl flexa an eich du, macha es flaysh uf eich kumd un zeek eich ivvah mitt haut. Ich du ohften in eich, un diah vaddet viddah levendich. No zaylet diah vissa es ich da Hah binn.’”