1. Mosi 10:2 - Pennsylvania Dutch Bible

² Di kinnah fumm Japheth voahra da Gomer, da Magog, da Madai, da Javan, da Thubal, da Mesech un da Thiras.

1. Mosi 10:2 Referans Kwoze

Ezekiel 38:2

“Mensha-kind, setz dei ksicht geyyich da Gog fumm land Magog. Eah is da feddahsht es ivvah di lendah Mesech un Thubal roold. Broffetzei geyyich een,

Ezekiel 38:6

un aw da Gomer mitt awl sei greeks-gnechta, selli fumm Beth-Togarmah drovva in di natt mitt awl sei greeks-gnechta—awl dee leit zayla bei diah sei.

Di Offenbarung 20:8

Eah gayt no naus fa awl di leit in di fiah ekka funn di eaht fafiahra—sell is, Gog un Magog—fa si zammah greeya fa fechta. Iahra nambah is vi da sand am say nohch.

Jesoiya 66:19

Ich zayl en zaycha unnich si setza, un selli es ivvahrich sinn, zu di heida-lendah shikka—zu Tharsis, zu Phul un Lud (goodi bow-sheesah), zu Thubal un Javan, un zu di islands es veit ab es noch nett keaht henn funn miah un mei hallichkeit. Si zayla mei hallichkeit vissa lossa unnich di heida.

Ezekiel 39:1

“Mensha-kind, broffetzei geyyich da Gog un sawk: ‘Dess is vass da Awlmechtich Hah sawkt: Ich binn geyyich dich, oh Gog, du feddahshtah funn Mesech un Thubal.

Ezekiel 38:15

Du zaylsht kumma funn deim blatz gans drovva in di natt, un bringsht feel leit mitt diah. Si zayla awl geil reida, en grohsi drubb, en mechtichi army.

Ezekiel 27:19

Di Daniddah un Javaniddah henn dei sach gekawft funn Usal; si henn sheinich eisa, un kassia un balsam shpeis kandeld fa dei sach.

Ezekiel 27:7

Dei sail voah fei ausgnayt linnen funn Egypta, fa ksenna sei funn veit ab. Dei sunn-dichah voahra bloh un purpel funn di islands funn Elisa.

1. Mosi 10:21

Kinnah voahra aw geboahra zumm Shem, da elsht broodah fumm Japheth. Da Shem voah da foah-faddah funn awl di nohch-kummashaft fumm Eber.

1. Mosi 9:27

Gott zayld em Japheth sei land grohs macha; eah soll im Shem sei tents voona, un da Kanaan soll sei gnecht sei.”

1. Mosi 10:1

Dess is nau veyyich di freindshaft fumm Noah sei boova, da Shem, da Ham un da Japheth. Si henn kinnah katt noch di sindfloot.

2. Kaynicha 17:6

Im neinda yoah fumm Hosea sei reich hott da kaynich funn Assyria Samaria ivvah-gnumma un hott di Israeliddah vekk noch Assyria gnumma. Eah hott dayl in di shtatt Halah ksetzt, dayl in di shtatt Habor, dayl am Gosan Revvah nohch un aw dayl in di Medah leit iahra shtett.

Psalm 120:5

Es is miah vay, es ich voona muss unnich eich in Mesech, un in di tents funn Kedar.

Ezekiel 32:26

Mesech un Thubal sinn datt mitt awl iahra leit um iahra grayvah rumm. Awl funn eena sinn unbeshnidda un voahra doht gmacht mitt em shvatt, veil si leit fagelshtaht henn im land funn di levendicha.