1. Mosi 1:16 - Pennsylvania Dutch Bible

¹⁶ Gott hott zvay grohsi lichtah gmacht, es grayshta fa ivvah da dawk sei, un's glenshta fa ivvah di nacht sei. Eah hott aw di shtanna gmacht.

1. Mosi 1:16 Referans Kwoze

5. Mosi 4:19

Un gevvet acht vann diah nuff in da himmel gukket un saynet di sunn, da moon un di shtanna—awl di sacha im himmel—es diah nett vekk gezowwa vaddet fa nunnah bikka un si deena. Dee sacha hott da Hah eiyah Gott gevva zu alli folk unnich em himmel.

Psalm 8:3

Vann ich ivvah di sacha denk funn dei himla, di eahvet funn dei fingah, da moon un di shtanna es du kshaffa hosht,

Jesoiya 40:26

Hayvet eiyah awwa uf un gukket in di hay; veah hott awl dee shtanna gmacht? Eah fiaht si awl raus bei nambah, un rooft si awl bei iahra nayma. Sei macht un awlmechtichi graft is so grohs, es nett ayns funn eena fafayld gay zayld.

Psalm 148:5

Loss si Gott sei nohma preisa, fa eah hott's gebott gevva, no voahra si kshaffa.

Psalm 74:16

Da dawk is dei, un so is di nacht; du hosht di sunn un da moon in iahra bletz ksetzt.

Psalm 148:3

Lohvet een, sunn un moon, lohvet een, awl shtanna mitt helling!

Hiob 38:7

diveil es di meiya-shtanna mitt-nannah ksunga henn, un awl di kinnah Gottes gegrisha henn mitt frayt?

1. Korinther 15:41

Es is ay gloahheit funn di sunn un en anri fumm moon un alsnoch en anri funn di shtanna. Un ay shtann is nett gleicha in iahra gloahheit mitt di annah.

Matthäus 27:45

Nau funn zvelf oowah biss drei oowah voah's dunkel ivvah's gans land.

Habakuk 3:11

Di sunn un da moon im himmel henn shtill kshtanna, fumm glanz funn dei arrows am fleeya, fumm licht funn dei glitzahrichah shpiah.

Jesoiya 45:7

Ich mach di helling un aw's dunkla, ich mach fridda un aw druvvel. Ich, da Hah, du awl dee sacha.

Jesoiya 13:10

Awl di shtanna im himmel zayla iahra helling nett gevva. Di sunn es am uf kumma is vatt dunkel, un da moon zayld sei licht nett gevva.

Psalm 19:6

See kumd uf an aym end funn di himla, un bleibt in iahra pawt biss an's annah end. Nix kann sich fashtekla funn iahra hitz.

Di Offenbarung 21:23

Di shtatt hott kenn sunn gebraucht adda moon fa uf see sheina, fa di hallichkeit funn Gott hott see uf glicht, un's Lamm voah iahra licht.

Jesoiya 24:23

Da moon un di sunn zayla blayich vadda mitt shohm, fa da Awlmechtich Hah zayld kaynich sei uf em Berg Zion in Jerusalem, un sei hallichkeit zayld fannich di eldishti sei.

Hiob 31:26

vann ich an di sunn gegukt habb es am sheina voah, adda da moon am gay in hallichkeit,

Matthäus 24:29

Un grawt noch di grohs dreebsawl funn selli zeit, ‘Vatt di sunn dunkel gmacht un da moon gebt sei helling nett. Di shtanna falla fumm Himmel un di grefticha fumm Himmel vadda kshiddeld.’

1. Mosi 1:15

Un loss di lichtah in di shpann fumm himmel sei fa helling macha uf di eaht.” Un's voah so.

Jeremia 31:35

Dess is vass da Hah sawkt, sellah es di sunn gebt fa helling deich da dawk, un da moon un di shtanna fa helling deich di nacht; sellah es da say uf shtatt so es di vella roahra— sei nohma is Da Awlmechtich Hah: