1. Chronik 5:1 - Pennsylvania Dutch Bible

¹ Da Ruben voah da eahsht-geboahra fumm Israel. (Eah voah da eahsht-geboahra, avvah veil eah sei daett sei bett unrein gmacht hott, dann voah sei recht zumm eahsht-geboahrana gevva zumm Joseph sei boova, es em Israel sei boo voah. Fasell is eah nett ufkshrivva in di kshlechtah es da eahsht-geboahra.

1. Chronik 5:1 Referans Kwoze

1. Mosi 35:22

Un diveil es da Israel in sellem land gvoond hott, is da Ruben ganga un hott mitt di Bilha, sei daett sei nayva-fraw, kshlohfa. Un da Israel hott's auskfunna. Da Jakob hott zvelf boova katt:

1. Mosi 29:32

Di Lea is uf em family vayk vadda un hott en boovli katt. See hott een Ruben kaysa un hott ksawt, “Dess is veil da Hah mei dreebsawl ksenna hott. Nau zayld mei mann mich geviss leeb havva.”

1. Chronik 26:10

Da Hosa, ayns fumm Merari sei boova, hott dee do boova katt: da Simri, sei daett hott een da evvahsht gmacht, avvah eah voah nett da elsht;

2. Mosi 6:14

Dess sinn di evvahshti funn iahra foah-feddah iahra families: Di kinnah fumm Ruben, da eahsht-geboahra fumm Israel, voahra da Henoch, da Pallu, da Hezron, un da Charmi. Sell sinn di family kshlechtah fumm Ruben.

1. Korinther 5:1

Es is en kshvetz haus es es veah huahrahrei unnich eich, un so en shandlich huahrahrei es nett even di Heida unnich sich henn. Dess is, es aynah is am shlohfa mitt sei shteef-maemm.

1. Chronik 2:1

Dess voahra di nayma fumm Israel sei boova: Ruben, Simeon, Levi, Juda, Isachar, Sebulon,

Joshua 14:6

Nau di mennah fumm shtamm funn Juda sinn zumm Joshua kumma an Gilgal. Ayns funn di mennah voah da Kaleb, em Jephunnes da Kenisiddah, sei boo. Eah hott ksawt zumm Joshua, “Du meindsht noch vass da Hah ksawt hott zumm Mosi, da mann funn Gott, an Kades-Barnea veyyich miah un diah.

5. Mosi 27:20

“Faflucht is sellah es shlohft mitt sei daett sei fraw, veil eah gedu hott vass yusht zu sei daett heaht.” No sella awl di leit sawwa, “Amen!”

5. Mosi 21:17

Eah muss veisa es sei boo funn di fraw es eah vennichah leebt da eahsht-geboahra is bei eem zvay dayla gevva funn alles es eah hott. Eah voah da eahsht es gvissa hott es sei daett kinnah havva kann. Es recht fumm eahsht-geboahrana heaht zu eem.

4. Mosi 26:5

Di nohch-kummashaft funn Ruben, da eahsht-geboahra boo fumm Israel, voah: da Henoch, vo's Henochiddah kshlecht bei kumd; da Pallu, vo's Palluiddah kshlecht bei kumd;

4. Mosi 16:1

Da Korah, em Jizhar sei boo, es em Kahath sei boo voah, es em Levi sei boo voah, is zammah ganga mitt em Dathan un em Abiram, em Eliab sei boova, un mitt em On, em Peleth sei boo, es fumm Ruben sei nohch-kummashaft voahra.

4. Mosi 1:5

Dess sinn di nayma funn di mennah es eich helfa sella: funn Ruben, em Sedeur sei boo da Elizur;

3. Mosi 20:11

Vann en mann shlohft mitt sei daett sei fraw, dann hott eah sei daett fashohmd. Da mann un di fraw missa awl zvay doht gmacht sei; iahra bloot is uf iahra aykni kebb.

3. Mosi 18:8

Du nett in's bett gay mitt deim daett sei fraw. Sell bringd shohm uf dei daett.

1. Mosi 46:8

Nau dess sinn di nayma funn di Kinnah-Israel, em Jakob sei boova, es noch Egypta ganga sinn: Da Ruben, em Jakob sei eldshtah.

1. Mosi 25:23

Un da Hah hott ksawt zu iahra, “Zvay kshlechtah sinn in deim leib, un zvay sadda leit zayla ausnannah gay funn deim leib. Ay leit zayld shteikah sei es di annah. Un da elsht zayld em yingshta deena.”

Kolosser 1:15

Eah is es gleichnis funn Gott vo ma nett sayna kann, da eahsht-geboahra funn alles levendiches.

1. Mosi 25:31

No hott da Jakob ksawt, “Fakawf miah seahsht's recht funn dei eahsht-geburt.”

1. Mosi 48:5

Un nau dei zvay boova es geboahra voahra zu diah eb ich zu diah kumma binn in Egypta sinn mei. Da Ephraim un da Manasse sella mei sei, grawt vi da Ruben un da Simeon sinn.

5. Mosi 33:17

Sei hallichkeit is vi en eahsht-geboahranah bull, sei hanna sinn vi di hanna funn en vildah ox; mitt di hanna shtohst eah di heida, even so veit vekk es es veld end. Sei hanna sinn di dausends fumm Manasse, un di zeyya dausends fumm Ephraim.”