Yeremías 3:9 - Beibel na Papiamentu Koriente 2013

⁹ El a kometé adulterio ku diosnan di palu i di piedra i el a profaná henter e pais ku su aktitut kabes habrí.

Papiamentu Bible 2013

⁹ El a kometé adulterio ku diosnan di palu i di piedra i el a profaná henter e pais ku su aktitut kabes habrí.

Yeremías 3:9 Referans Kwoze

Yeremías 2:27

pasobra boso ta bisa pida palu: “Abo ta mi tata”, i pida piedra: “T'abo a pari mi”. Na lugá di bira kara pa Mi, boso a bira lomba pa Mi. Pero ora boso ta den problema, anto e ora ei sí boso ta grita: “Bin yuda nos!”

Yeremías 3:2

Hisa bo kara wak kabes pelá di seru! Akaso a keda un di nan kaminda bo n' drumi ku bo amantenan? Bo tabata sinta kantu di kaminda warda nan, manera un beduino den desierto ta warda su víktima. Bo a profaná e pais ku bo inmoralidat i mal ehèmpel.

Isaías 57:6

Israel rechá, bo ta ofresé biña i hariña na piedra lizu den vaye. P'esei, ei bo destino lo ta, sí, eibou lo dera boso. O kisas bo ta pensa ku Mi ta aseptá tur e kosnan ei?

Yeremías 10:8

Kada un di nan ta bobo i sin sintí, nan ta kere ku diosnan di palu por siña nan algu!

Yeremías 2:7

M'a hiba boso un pais fértil pa boso por a gosa di tur su fruta- i bon produktonan, pero boso n' yega ku ata boso a profaná e tera; mi mes propiedat a para bira repugnante pa Mi.

Habakuk 2:19

Ai di bo, ku ta bisa pida palu: “Lanta fo'i soño!” i pida piedra sokete: “Ban mira, lant'ariba!” siendo ku nan no por papia niun pia di palabra. Maske nan ta kubrí ku oro i plata, nan no tin bida den nan.

Hoséas 4:12

pida palu nan ta pidi konseho, un staf mester pronostiká nan un kos. Nan ta laga hinka nan den tentashon, nan ta pèrdè kaminda, nan ta bira infiel na nan Dios.

Ezekiel 23:10

Eseinan a kit'é sunú, kohe su yu hòmbernan i yu muhénan prezu i mat'é ku spada. E kastigu ku el a haña, a hasié un ehèmpel hororoso pa tur muhé.

Ezekiel 16:17

Di e hoyanan di oro i di plata ku Mi a duna bo, bo a traha imágennan di hende hòmber i tabata kometé aktonan inmoral ku nan.

Mateo 5:32

Ma Ami ta bisa boso: Ken ku divorsiá su señora, si no ta pa motibu di inmoralidat seksual, ta pone su señora kometé adulterio si e señora kasa atrobe. Es ku kasa ku e señora divorsiá tambe ta kometé adulterio.

Yeremías 16:18

P'esei, pa kuminsá, lo Mi laga nan paga pisá pa nan pikánan i maldat, pasobra nan a profaná mi pais ku e diosnan sin bida ei, ku tantu Mi ta detestá. Nan a yena e pais, ku Mi a skohe pa Mi mes, yen di e diosnan repugnante ei.’

Ezekiel 23:3

Tempu nan tabata hóben ainda, nan a biba bida di prostituta kaba na Egipto. Aya a karisiá nan pechu, aya a pasa man riba nan pechunan hóben.

Ezekiel 23:21

Oholiba, bo tabata deseá e aktonan inmoral bergonsoso di bo hubentut, tempu e egipsionan tabata karisiá bo pechu, tempu nan tabata pasa man riba bo pechunan hóben.’

Hoséas 2:2

SEÑOR ta bisa: ‘Akusá boso mama! Akus'é! E no ta mi esposa mas, ni Ami no ta su esposo mas. Lag'é kita e hoyanan di prostituta ku e tin na su kara, lag'é kita e señalnan di adulterio ku e tin meimei di su pechunan, lag'é kita nan.

Isaías 57:3

SEÑOR ta papia asin'akí: ‘Bini dilanti, boso, hasidónan di bruha, yunan di adulterio i prostitushon!

Yoel 1:19

Abo mi ta invoká, SEÑOR, pasobra kunukunan di yerba a kima seka, palunan a kima.