Salmo 146:6 - Beibel na Papiamentu Koriente 2013

⁶ kende a traha shelu i tera, laman i tur loke tin den dje, Dios ku ta fiel pa tur eternidat,

Papiamentu Bible 2013

⁶ kende a traha shelu i tera, laman i tur loke tin den dje, Dios ku ta fiel pa tur eternidat,

Salmo 146:6 Referans Kwoze

Revelashon 14:7

El a grita ku stèm duru: ‘Tene rèspèt di Dios i dun'É honor, pasobra e ora di su huisio a yega. Adorá Esun ku a traha shelu i tera i laman i bròn di awa!’

Salmo 100:5

Bèrdat, esta bon SEÑOR ta! Su amor ta dura pa semper i su fieldat te den siglo di siglonan.

Éksodo 20:11

Pasobra den seis dia SEÑOR a traha shelu, tera i laman i tur loke ta pertenesé na nan, pero riba e di shete dia El a sosegá. P'esei SEÑOR a bendishoná dia di sabat i a hasié un dia sagrado.

Kolosensenan 1:16

Pasobra ta pa medio di djE, Dios a krea tur kos den shelu i riba tera, loke ta visibel i invisibel, inkluso e podernan spiritual, potensianan, outoridatnan i gobernantenan. Dios a krea tur kos pa medio di djE i tur kos ta dirigí riba djE.

Yeremías 32:17

‘Ai, SEÑOR Dios, ku gran despliegue di poder Bo a krea shelu i tera; nada no ta imposibel pa Bo.

Génesis 1:1

Na kuminsamentu Dios a krea shelu i tera.

Salmo 95:5

Di djE ta laman, t'E a trah'é; i tera firme, ta su man a model'é.

Salmo 89:2

Mi di: ‘Bo fabor t'ei pará pa semper; ta den shelu, ei Bo ta funda bo fieldat.’

Hebreonan 6:18

Ke men ku Dios a hasi dos kos irevokabel, esta un promesa i un huramentu, ku ta hasi imposibel p'E pa gaña nos; p'esei pa nos, ku ta buska nos refugio serka djE, nan ta un stimulashon fuerte pa sigui spera loke tin nos dilanti firmemente.

Tito 1:2

i tambe pa hende por tin speransa riba bida eterno. Dios, ku no ta gaña, a primintí e bida eterno ei promé ku kuminsamentu di tempu.

Salmo 117:2

Su amor i bondat pa nos ta grandi i fieldat di SEÑOR ta eterno. Alabá sea SEÑOR!

Salmo 33:6

Palabra di SEÑOR a krea shelu, rosea di su boka tur su streanan.

Echonan 14:15

‘Hendenan, ta kiko e kos ku boso ke hasi akí? Nos ta hende meskos ku boso! Nos ta predikando e bon notisia ku boso mester laga e diosnan falsu akí i bira kara pa e Dios bibu ku a krea shelu, tera i laman i tur loke nan ta kontené.

Huan 1:3

A krea tur kos pa medio di djE i sin djE nada no a haña eksistensia.

Salmo 115:15

Bendishoná sea boso pa SEÑOR, ku a traha shelu i tera.

Huan 10:34

Hesus a kontestá: ‘Ta skibí den boso lei ku Dios a bisa: “Boso ta diosnan”.

Daniel 9:4

Mi a resa na SEÑOR, mi Dios, i a rekonosé ku nos a hasi piká. Mi a bisa: “Ai Señor, Abo, Dios grandi i temibel, Bo ta tene Bo na bo aliansa. Semper Bo ta fiel na esnan ku ta stima Bo i ta obedesé bo mandamentunan.

Salmo 98:3

rekordando su amor i fieldat ku pueblo di Israel. Tur skina di mundu a mira viktoria di nos Dios!

Salmo 89:33

Ma lo Mi n' stòp di stima David, ni nenga mi fieldat n'e,

Deuteronomio 7:9

Rekonosé ku SEÑOR, boso Dios, so ta Dios. Un Dios ku bo por konfia, ku ta aten'É na e aliansa i ku ta keda fiel te den e di mil generashon na esnan ku ta stim'É i ta kumpli ku su mandamentunan.

Mikéas 7:20

Mustra nos bo fieldat, mustra nos bo amor, manera B'a hura nos antepasadonan, Abraham i Yakob, hopi aña pasá.