Romanonan 8:1 - Beibel na Papiamentu Koriente 2013

¹ Ke men antó, awor akí no tin kondenashon pa esnan ku ta uní ku Kristu-Hesus.

Papiamentu Bible 2013

¹ Ke men antó, awor akí no tin kondenashon pa esnan ku ta uní ku Kristu-Hesus.

Romanonan 8:1 Referans Kwoze

2 Korintionan 5:17

Un hende ku ta uní ku Kristu ta un kreashon nobo. E kosnan di ántes a pasa bai i loke ta nobo a yega.

Galatanan 3:13

Kristu a reskatá nos di e maldishon ku Lei di Moises ta trese dor di bira un maldishon pa nos motibu. El a bira un maldishon, pasobra Skritura ta bisa: ‘Maldishoná ta tur esnan ku muri kologá na un palu.’

Romanonan 5:1

Awor ku Dios a aseptá nos komo hustu pa medio di fe, nos tin pas ku Dios, pa medio di nos Señor Hesu-Kristu.

1 Korintionan 1:30

Pero pa medio di Dios boso ta den Kristu, kende a bira nos sabiduria, nos hustisia, santidat i liberashon.

Romanonan 8:34

Ken lo riska kondená nan? Niun hende! Kristu-Hesus ta e úniko hende ku no solamente a muri, pero tambe a lanta for di morto pa nan. E ta Esun ku ta sintá na man drechi di Dios i ta intersedé pa nos!

Huan 5:24

Hesus a sigui bisa nan: ‘Mi ta sigurá boso: esun ku skucha Mi i pone su fe den Esun ku a manda Mi, tin bida eterno. El a pasa di morto pa bida kaba; lo no konden'é.

Huan 15:4

Keda den Mi i Ami lo keda den boso. Un taki no por duna fruta di su mes, sin ku e ta pegá na e mata. Meskos asin'ei boso no por karga fruta si boso no keda den Mi.

Filipensenan 3:9

i ta uní kunÉ. Ku Dios ta aseptá mi komo hustu no ta basá riba mi kumplimentu ku lei. Ma esei ta bini pa medio di fe den Kristu; esei ta bini di Dios i ta basá riba fe.

Isaías 54:17

P'esei ningun arma trahá pa hasi bo daño no ta logra nada kontra bo. I si un hende ke akusá bo dilanti di un tribunal, bo por proba k'e ta gaña. T'esaki M'a prepará pa mi sirbidónan. T'Ami nan tin ku gradisí pa nan liberashon. Ta mi mes palabranan esakinan ta.’

Romanonan 8:14

Tur hende ku ta laga Spiritu di Dios guia nan ta yu di Dios.

1 Korintionan 15:22

Meskos ku tur hende mester muri pa motibu di nan relashon ku Adam, asina tur hende lo lanta for di morto pa motibu di nan union ku Kristu.

Galatanan 5:16

P'esei mes mi ta bisa: Si boso laga Spiritu di Dios dirigí boso bida, boso lo no satisfasé boso mal deseonan.

Romanonan 8:4

El a hasié pa nos por kumpli eksaktamente ku loke Lei di Moises ta eksigí di nos, nos ku no ta biba segun nos naturalesa pekaminoso, pero segun Spiritu Santu.

Romanonan 8:39

ni e lugá di mas altu ni esun di mas profundo, ni niun otro kos ku Dios a krea, no por separá nos nunka di e amor ku Dios a mustra nos den persona di Kristu-Hesus nos Señor.

Galatanan 5:25

Si ta pa medio di Spiritu di Dios nos ta biba, nos mester laga su Spiritu guia nos.

Galatanan 3:28

Awor no tin kuenta di hudiu òf no hudiu, katibu òf hende liber, hende hòmber òf hende muhé, pasobra boso tur ta ún dor di boso union ku Kristu-Hesus.

Huan 14:20

Ora e dia ei yega, boso lo sa ku Ami ta den Tata i ku boso ta den Mi, meskos ku Ami ta den boso.

Romanonan 7:20

Ke men, si mi no hasi e bon ku mi mes ke hasi, ta pasobra no t'ami ta aktua, sino e piká ku ta biba den mi.

Romanonan 7:17

Ke men ku no ta ami mes ta hasi maldat mas, sino e piká ku ta biba den mi.

2 Korintionan 12:2

Mi konosé un siguidó di Kristu ku dieskuater aña pasá a keda tumá serka Dios den e shelu di mas altu. Mi no sa si esaki a pasa di bèrdat òf den un vishon; Dios so sa.

Romanonan 16:7

Kumindá mi paisanonan Andróniko i Yunia, ku tabata prezu huntu ku mi. Nan ta apòstel distinguí i a kere den Kristu promé ku mi.

Romanonan 16:3

Kumindá Priska i Akila, mi dos kompañeronan den sirbishi di Kristu-Hesus.

Ezekiel 18:9

E ta aten'é na mi leinan i kumpli estriktamente ku mi reglanan. Un hende asina ta biba segun mi boluntat, lo e keda biba sigur. Esei Ami, SEÑOR Dios, ta sigurá.

Romanonan 5:16

Tin un diferensia entre e don di Dios i e piká di esun hende Adam, pasobra despues di e piká di Adam a sigui un huisio ku a resultá den kondenashon, pero despues di e pikánan di tantísimo otro hende a sigui un don di Dios i e don ei tabata pordon kompleto.

Romanonan 8:2

Pasobra e lei di Spiritu ku ta duna bida den Kristu-Hesus, a libra bo di e lei di piká i morto.

Romanonan 8:9

Sinembargo boso no ta biba mas segun deseo pekaminoso, pero segun Spiritu Santu, ya ku Spiritu di Dios ta biba den boso. Esun ku no tin Spiritu di Kristu, no ta pertenesé na Kristu.

Romanonan 8:11

Awor si Spiritu di Esun ku a lanta Hesus for di morto ta biba den boso, E mes ku a lanta Kristu, tambe lo duna boso kurpa mortal bida pa medio di su Spiritu ku ta biba den boso.

Galatanan 3:26

Boso tur ta yu di Dios pa medio di fe den Kristu-Hesus,

Efesionan 1:1

Esaki ta karta di Pablo, ku pa boluntat di Dios ta apòstel di Kristu-Hesus, pa e hendenan na Éfese ku ta pertenesé na Dios i ku ta biba fiel den union ku Señor Kristu-Hesus.