Proverbionan 22:5 - Beibel na Papiamentu Koriente 2013

⁵ Kaminda di mal hende ta yen di sumpiña i trampa; es ku stima su bida ta evitá nan.

Papiamentu Bible 2013

⁵ Kaminda di mal hende ta yen di sumpiña i trampa; es ku stima su bida ta evitá nan.

Proverbionan 22:5 Referans Kwoze

Proverbionan 15:19

Kaminda di hende floho ta yen di sumpiña, kaminda di hende rekto no tin niun opstákulo.

1 Huan 5:18

Nos sa ku esun ku a nase di Dios no ta sigui den piká, pasobra Yu di Dios ta kuid'é i e malbado no por mishi kuné.

Proverbionan 16:17

Rumbo di hende hustu ta: kita for di kaminda di maldat, esun ku paga bon tinu kaminda e ta kana, ta salba su bida.

Proverbionan 19:16

Hende ku hasi loke manda nan, ta keda na bida, hende orea duru lo muri.

Proverbionan 13:15

Uso di sano huisio ta haña rekonosementu, manera di biba di infielnan no.

Job 18:8

Su mes pia ta hib'é bai dònder abou den buraku, e no ta pisa suela firme.

Proverbionan 13:3

Es ku kontrolá su palabranan ta kontrolá su mes, es ku papia pa loko ta ruiná su mes.

Salmo 91:1

Abo ku ta biba bou di amparo di Altísimo, ta hospedá den sombra di Dios omnipotente,

Salmo 11:6

Riba pekadónan E ta yobe karbon sendé i suafel; un bientu kayente ta nan suerte.

Yozue 23:13

Pasobra si boso hasié tòg, sa sigur ku SEÑOR, boso Dios, no ta sigui kore ku nan pa boso. Nan lo ta un trampa pa boso, manera un zuip riba boso lomba i sumpiña den boso wowo, te dia boso muri bai laga e tera bon akí ku SEÑOR, boso Dios, a duna boso.

Proverbionan 22:4

Hende ku tin rèspèt di SEÑOR i humildat, ta haña komo rekompensa: bida, rikesa i honor.

Proverbionan 29:6

Mal hende ta kai den trampa di su mes piká, pero hende hustu por kanta i keda kontentu.

Proverbionan 4:19

Kaminda di mal hende ta manera skuridat; nan no sa riba kiko nan ta trompeká.