Proverbionan 2:6 - Beibel na Papiamentu Koriente 2013

⁶ Pasobra SEÑOR ta duna sabiduria, ta for di su boka komprenshon i konosementu ta sali.

Papiamentu Bible 2013

⁶ Pasobra SEÑOR ta duna sabiduria, ta for di su boka komprenshon i konosementu ta sali.

Proverbionan 2:6 Referans Kwoze

Hakobo 1:5

Si kualke un di boso falta sabiduria, resa pidi Dios i lo E duna bo e, pasobra Dios ta gusta duna tur hende sin límite, sin tira nada na nan kara.

Salmo 119:98

Bo mandamentu ta hasi mi mas sabí ku mi enemigunan ya k'e ta semper mi kompaño.

Job 32:8

Pero ta spiritu den hende, rosea di Todopoderoso, t'esei ta duna hende poder pa diserní.

Lukas 21:15

Pasobra Ami lo duna boso elokuensia i sabiduria di manera ku ningun di boso enemigunan lo no por resistí òf kontradesí boso.

Isaías 54:13

Tur bo habitantenan lo bin siña serka Mi, nan lo biba den gran prosperidat.

Huan 6:45

Ta skibí den buki di e profetanan: “Dios lo siña tur hende.” Tur ku a skucha Tata i siña di djE ta bini serka Mi.

1 Reinan 3:12

lo Mi hasi loke bo a pidi. Lo Mi duna bo sabiduria i poder pa bo por husga entre bon i malu, di tal manera ku nunka ningun hende tabata por promé ku bo, ni ningun hende lo no por despues di bo.

Hakobo 1:17

Tur don perfekto i tur kos bon ku nos risibí ta bini di shelu, di Dios ku ta Kreador di tur e astronan selestial. E sí no ta kambia nunka manera nan; E no ta kambia di posishon, laga nos den sombra di skuridat.

Salmo 119:104

Mi mente ta habrí pa bo òrdunan, tur mal kaminda mi ta odia.

Daniel 2:23

Abo, o Dios di mi antepasadonan, mi ta alabá i glorifiká. Sabiduria i poder Bo a duna mi. Nos orashon Bo a skucha. Loke rei a pidi, Bo a revelá mi.’

Daniel 1:17

Dios a duna e kuater hóbennan akí inteligensia, konosementu di tur sorto di literatura i tambe hopi sabiduria. Ademas Daniel tabatin e don pa komprondé tur sorto di vishon i soño.

Isaías 8:20

Si hende bisa boso esei, boso mester kontestá: ‘Hende mester atené nan na e instrukshon- i mensahenan di SEÑOR.’ Pa esnan ku no ta papia di akuerdo ku e palabra ei di dia lo no habri mas!

1 Reinan 4:29

Dios a duna Salomon sabiduria, inteligensia, i komprenshon mes abundante ku santu di laman.

Daniel 2:21

E ta maestro di tempu i di historia. E ta pone reinan riba trono i ta baha nan atrobe. E ta duna hende sabí sabiduria i hende inteligente inteligensia.

Proverbionan 6:23

Pasobra e mandamentunan akí ta un lampi, e siñansa un lus, i e guia ku korekshon ta duna ta e manera di siña bo biba,

Salmo 19:7

Lei di SEÑOR ta perfekto, ta duna alma alivio; testimonio di SEÑOR ta fiel, ta hasi bobonan sabí.

1 Reinan 3:9

Duna bo sirbidó un kurason atento pa goberná bo pueblo i laga ku mi por distinguí bon for di malu. Pasobra ta ken ta kapas pa goberná bo pueblo, un pueblo asina grandi?’

Éksodo 31:3

Mi a yen'é ku mi spiritu, Mi a dun'é sabiduria, konosementu i abilidat pa tur tipo di trabou,

1 Krónikanan 22:12

SEÑOR, bo Dios, lusa bo sintí i duna bo konosementu dia E pone bo goberná Israel, pa bo kumpli ku su lei.

Nehemías 7:5

Dios a pone den mi kurason pa yama e siudadanonan prominente, e lidernan i e pueblo pa inskribí den registro sivil. Na e okashon ei mi a deskubrí registro di e promé grupo ku a bolbe Herusalèm. Den dje mi a haña lo siguiente:

Job 22:22

Laga E instruí bo; graba su siñansa den bo mente.

Salmo 51:6

Ma Bo ta gusta bèrdat, te den fondo! Pues, inkulká den mi paden sabiduria.

Predikador 2:26

Pasobra Dios ta duna komprondementu, konosementu i legria na esnan ku ta tende di djE. Pero esnan ku no ta obedes'É, E ta laga traha i spar pa e hende ku sí ta tende di djE. Matament'i kurpa tambe ta ilushon, hungamentu di kore kue ku bientu.

1 Reinan 10:24

Henter mundu tabata deseá di mira Salomon pa tende e sabiduria ku Dios a dun'é.

Esdras 7:25

I abo, Esdras, ku e sabiduria ku Dios a duna bo, nombra hues i gobernante. Nan mester praktiká hustisia den henter pueblo di e provinsia parti wèst di riu Eufrat, esta pa tur esnan ku konosé lei di bo Dios. I esnan ku no konosé lei, bo mester siña nan konos'é.

Job 12:13

Pero Dios, ku tin sabiduria, tin poder tambe. E tin sintí i konosementu.

Job 12:16

Dios ta fuerte, semper viktorioso; kriminal o víktima, tur ta someté na su poder.

Salmo 19:8

SEÑOR su preseptonan ta rekto, ta alegrá nos kurason; SEÑOR su mandamentu ta kla, lus pa nos wowo.

Salmo 94:10

Lo E no duna kastigu, E ku ta suta nashonnan? N' ta E mes ta duna hende su saber?

Salmo 119:34

Habri mi mente pa mi kumpli ku bo lei, pa mi ward'é di kurason.