Proverbionan 18:5 - Beibel na Papiamentu Koriente 2013

⁵ No ta bon pa privilegiá un hende kulpabel, ni pa retené derechi di un hende inosente.

Papiamentu Bible 2013

⁵ No ta bon pa privilegiá un hende kulpabel, ni pa retené derechi di un hende inosente.

Proverbionan 18:5 Referans Kwoze

Levítiko 19:15

Ora boso ta dikta sentensia: no bai na fabor di e pober ni trata e riku mihó pasobra e ta riku. Boso mester dikta sentensia na un manera hustu.

Proverbionan 28:21

Tuma parti pa hende ta algu malu, pero p'un pida pan bo ta kla pa hasié.

Deuteronomio 16:19

No trose hustisia, no tuma parti, ni tuma regalo bou di mesa, pasobra regalo ta siega hende sabí i ta pone hende inosente pèrdè nan kaso.

Salmo 82:2

‘Ki dia boso ta stòp di saka sentensia falsu i di skohe banda di malbadonan?

Proverbionan 24:23

E siguiente dichonan tambe ta di hende sabí. No ta bon pa diskriminá niun hende ora tin kaso sivil.

Proverbionan 17:15

Saka un kulpabel liber òf kondená un inosente: tur dos SEÑOR ta repudiá.

Mateo 22:16

Nan a manda nan disipelnan huntu ku algun hende di Heródes serka Hesus. Nan a bis'É: ‘Maestro, nos sa ku bo ta un hende honesto; segun bèrdat bo ta siña hende kon Dios ke pa nan biba. Bo no ta wòri bo kabes ku loke hende ta pensa, pasobra Bo no ta husga segun aparensia.

Isaías 5:23

ku pa plaka ta deklará un hende kulpabel inosente i ta nenga hende hustu nan derecho.

Job 34:19

Tur hende ta obra di su man, p'esei E no ta tuma parti pa lidernan di pueblo, ni no ta faboresé riku riba pober.

Mikéas 7:3

Hende su mannan ta eksperto den maldat. Funshonario- i huesnan ta eksigí sèn bou 'i mesa; hende ku plaka ta manda na nan antoho, asina ei tur ta konspirá huntu.

Isaías 59:14

Nos ta pusha derecho i hustisia un banda, niun kaminda n' por haña nan; na lugánan públiko sinseridat i honestidat ta kibra nan garganta, nan no ta haña entrada.

Éksodo 23:2

No sigui e mayoria den nan maldat. Si bo mester para komo testigu den un kaso di hustisia, no laga mayoria influensiá bo pa bo trose hustisia.

Éksodo 23:6

No trose hustisia durante huisio di un hende pober.

Proverbionan 17:26

No ta bon pa kastigá un hende inosente, ni pa kastigá un funshonario ku ta biba bon.

Proverbionan 31:5

Pa bo no bebe, lubidá loke lei ta bisa i kita derecho di tur esnan ku ta oprimí.

Mikéas 3:9

Laga e kos akí drenta boso kabes, gobernante- i lidernan di Israel, boso, ku ta odia hustisia ku ta kohe bon hasi malu

Éksodo 23:3

Den kaso di hustisia no sea na fabor di un hende, djis pasobra e ta pober.