Proverbionan 16:6 - Beibel na Papiamentu Koriente 2013

⁶ Un aktitut di fieldat i rektitut ta drecha piká di pasado ku Dios, bo por evitá di hasi maldat si bo tin rèspèt di SEÑOR.

Papiamentu Bible 2013

⁶ Un aktitut di fieldat i rektitut ta drecha piká di pasado ku Dios, bo por evitá di hasi maldat si bo tin rèspèt di SEÑOR.

Proverbionan 16:6 Referans Kwoze

Proverbionan 14:16

Hende sabí ta sòru pa malu no influensi'é i ta keda leu, hende kabes habrí ta hasi kos sin pensa.

Job 28:28

I Dios a bisa hende: “Rèspèt di Dios, t'esei ta sabiduria; evitá maldat, t'esei ta komprondementu.” ’

2 Korintionan 7:1

Rumannan stimá, tur e promesanan akí ta pa nos tambe! P'esei antó laga nos purifiká nos di tur kos ku ta hasi nos impuru na alma i kurpa, i laga nos, ku rèspèt pa Dios, dediká nos kompletamente na djE.

Daniel 4:27

P'esei, mahestat, por fabor, skucha mi konseho: praktiká hustisia i no peka mas; pone un fin na maldat i yuda pobernan. Kisas asina lo bo sigui biba na pas i den trankilidat.”

Lukas 11:41

Mihó boso duna loke ta den e beker i e tayó komo limosna, e ora ei tur kos lo bira puru pa boso!

Proverbionan 14:27

Rèspèt di SEÑOR ta fuente di bida, e ta salba bo fo'i gara di morto.

Proverbionan 8:13

Tin rèspèt di SEÑOR ta nifiká odia maldat. P'esei mi ta odia soberbia i orguyo, krímen i mentira.

Proverbionan 20:28

Amor i fieldat ta protegé un rei; amor ta hasi su gobernashon mas fuerte.

Echonan 15:9

E no a hasi niun distinshon entre nan ku nos, pasobra El a deklará ku nan ta puru pa medio di nan fe.

Nehemías 5:15

Enkambio mi antesesornan a pone karga pisá riba e pueblo; tur dia nan tabata eksigí pan i biña i tambe kuarenta moneda di plata. Ademas, nan empleadonan tabata manda sin fin riba e pueblo. Pero ami sí no a hasi esei pasobra mi tin rèspèt di Dios.

Nehemías 5:9

Mi a añadí: ‘Loke boso ta hasi no ta bon. Pakiko boso no tin rèspèt di nos Dios? T'asina so boso por skapa chèrchè di e paganonan ku ta kontra nos.

1 Pedro 1:22

Boso a purifiká boso alma dor di obedesé e bèrdat i asina boso por stima otro manera ruman ku un amor sinsero; p'esei anto stima otro ku un kurason puru.

Efesionan 5:21

Someté boso na otro pa motibu di e rèspèt ku boso tin pa Kristu.

Huan 15:2

E ta kita tur taki fo'i Mi ku no ta karga fruta, i E ta snui tur taki ku sí ta karga fruta, pa nan karga mas fruta ainda.

Salmo 85:10

amor i bèrdat lo topa, hustisia i pas lo brasa otro;

Génesis 20:11

Abraham a kontest'é: ‘Mi a kere ku na e lugá akí no tin rèspèt di Dios i ku lo mata mi pa motibu di mi esposa.

Éksodo 1:17

Pero e parteranan tabatin rèspèt di Dios. P'esei nan no a hasi loke rei di Egipto a manda nan. Nan tabata laga e mucha hòmbernan tambe keda na bida.

Éksodo 20:20

‘No tene miedu,’ Moises a kontestá. ‘Dios a bini pa pone boso na prueba; pa duna boso asina un rèspèt di djE pa boso no peka.’

Proverbionan 3:7

Stòp ku terkedat, respetá SEÑOR i bira lomba pa maldat.

Proverbionan 16:5

SEÑOR ta repudiá hende orguyoso, tardi òf trempan e hende ei ta haña su kastigu.

Levítiko 25:17

No perhudiká otro, asina boso ta respetá boso Dios. Pasobra Ami ta SEÑOR, boso Dios.

Deuteronomio 30:13

Nan no ta na otro banda di laman di manera ku boso no tin nodi di bisa: “Ken lo krusa laman bai buska nan pa nos i laga nos tende nan, di manera ku nos por kumpli ku nan?”

Proverbionan 3:3

Sòru pa semper bo ta fiel i ta papia bèrdat; bisti fieldat i bèrdat manera un kadena na bo garganta, graba nan den bo mente.

Proverbionan 14:2

Es ku biba segun Dios su palabra tin rèspèt di Dios, es ku no hasi loke Dios bisa ta despresi'É.

Daniel 4:24

Mahestat, ata e splikashon. Ata loke Dios Altísimo a disidí pa bo: