Proverbionan 13:3 - Beibel na Papiamentu Koriente 2013

³ Es ku kontrolá su palabranan ta kontrolá su mes, es ku papia pa loko ta ruiná su mes.

Papiamentu Bible 2013

³ Es ku kontrolá su palabranan ta kontrolá su mes, es ku papia pa loko ta ruiná su mes.

Proverbionan 13:3 Referans Kwoze

Proverbionan 21:23

Es ku sa ki ora e papia, n' ta hañ'é den problema.

Proverbionan 18:21

Palabra tin poder riba bida i morto; hende ku gusta papia, mester karga e konsekuensianan.

Proverbionan 18:7

Palabra di hende bobo ta bira nan pèrdishon, nan palabranan mes ta horka nan.

Salmo 39:1

Mi di: Laga mi warda mi kurpa pa mi no hasi piká ku mi lenga; mi ke bisti mi boka un bosal, tanten ku tin malbado mi dilanti.

Proverbionan 10:19

Hende ku ta papia pa loko, fásilmente ta papia su boka forbei, hende ku ta poko di papia ta inteligente.

Proverbionan 20:19

Hasidó di redu no sa warda sekreto; no drenta ku hende ku ta papia hopi asina.

Hakobo 1:26

Si un hende ta kere ku e ta mashá dediká na Dios, pero e no por frena su lenga, e ta gaña su mes i su dedikashon no ta sirbi pa nada.

Proverbionan 12:13

Un sakadó di mentira ta hoga den su mes mentiranan, pa un hende honesto semper tin salida.

Salmo 34:13

Anto warda bo lenga di maldat i bo lepnan di papia mentira.

Salmo 141:3

SEÑOR, pone un warda dilanti di mi boka, un vigilante na porta di mi lepnan.

Proverbionan 10:14

Hende sabí no ta kana bende grandi ku su konosementu, boka di hende bobo ta hala su desgrasia mas serka.

Proverbionan 13:4

Hende floho ta deseá i keda sin haña, hende trahadó ta prosperá.

Huesnan 16:11

El a kontestá: ‘Si nan mara mi duru ku kabuya nobo ku nunka ningun hende no a yega di usa, mi no por hasi nada i mi ta bira manera kualke hende.’

Huesnan 16:17

i el a konta e muhé tur kos: ‘Nunka nan no a kòrta mi kabei, pasobra for di promé ku mi a nase mi tabata konsagrá na SEÑOR komo nazireo. Si nan kòrta mi kabei, mi ta pèrdè mi forsa i mi ta bira manera kualke hende.’

Proverbionan 10:8

Hende sabí ta dispuesto na aseptá guia, pero hende bobo ku ta papia pa loko ta keda destruí.

Proverbionan 14:3

Hende bobo ta kastigá su mes, ora e papia pa loko, pero salbashon di e hende sabí ta den su palabranan.