Mateo 25:36 - Beibel na Papiamentu Koriente 2013

³⁶ Mi tabata sunú i boso a duna Mi paña pa bisti; Mi tabata malu i boso a kuida Mi. Mi tabata será i boso a bin bishitá Mi.”

Papiamentu Bible 2013

³⁶ Mi tabata sunú i boso a duna Mi paña pa bisti; Mi tabata malu i boso a kuida Mi. Mi tabata será i boso a bin bishitá Mi.”

Mateo 25:36 Referans Kwoze

Hakobo 1:27

Ata aki loke Dios Tata ta konsiderá dedikashon puru i ireprochabel: buska drechi di e wérfano i biuda ku ta pasa trafat, i wak pa maldat di e mundu akí no susha bo.

Hebreonan 13:3

Kòrda riba prezu komo si fuera boso tabata prezu huntu ku nan, i riba esnan ku ta keda maltratá, pasobra meskos asina por sosodé ku boso.

Hebreonan 10:34

Boso a sinti ku esnan ku nan a kohe prezu i boso a soportá kontentu, ora a hòrta boso kosnan. Boso tabata sa ku boso tabata poseé algu mihó i permanente.

Echonan 20:35

Den tur kos mi a mustra boso ku pa medio di e tipo di trabou duru akí nos mester yuda esnan ku ta suak i no lubidá e siguiente palabranan ku Señor Hesus mes a bisa: “Duna ta hasi hende mas felis ku risibí!” ’

Lukas 3:11

Huan a kontestá: ‘Esun ku tin dos paña, kompartí ku un ku no tin nada. Esun ku tin di kome, hasi meskos.’

Mateo 25:43

Mi tabata un strañero i boso no a risibí Mi den boso kas; Mi tabata sunú i boso no a duna Mi paña pa bisti; Mi tabata malu i den prizòn i boso no a bin bishitá Mi.”

Ezekiel 34:4

Boso no a laga e karnénan ku tabata débil kohe forsa, boso no a kura e karnénan ku tabata malu, boso no a pone ferbant pa e karnénan ku tabata heridá; boso no a trese e karnénan ku a pèrdè kaminda bèk, boso no a bai buska karnénan ku a pèrdè. Boso a goberná ku man duru, sin tene duele.

Ezekiel 18:7

E no ta oprimí ningun hende. Ora un hende a fia algu serka dje i a dun'é un pant, e ta duna e pant bèk. E no ta hòrta. Es ku tin hamber, e ta duna kuminda; es ku ta sunú, e ta duna paña di bisti.

Isaías 58:7

Yuna di bèrdè ta: parti bo pan ku hende ku tin hamber, tuma hende pober i sin kas den bo kas, duna hende sunú paña pa nan bisti, no laga bo próhimo desampará.

Ezekiel 18:16

E no ta oprimí ningun hende, ni aseptá pant ora e fia hende algu, ni hòrta. Es ku tin hamber, e ta duna kuminda; es ku ta sunú, e ta duna paña di bisti.

Mateo 25:37

E ora ei esnan ku a biba bon ku Dios lo kontest'É: “Señor, ki dia nos a mira Bo ku hamber i a duna Bo di kome? Ku set, i a duna Bo di bebe?