Marko 3:29 - Beibel na Papiamentu Koriente 2013

²⁹ Ma esun ku blasfemá Spiritu Santu lo no haña pordon nunka mas; lo e keda kulpabel pa semper.’

Papiamentu Bible 2013

²⁹ Ma esun ku blasfemá Spiritu Santu lo no haña pordon nunka mas; lo e keda kulpabel pa semper.’

Marko 3:29 Referans Kwoze

Lukas 12:10

Ken ku bisa algu kontra Yu di hende, lo haña pordon. Ma esun ku blasfemá Spiritu Santu, lo no haña pordon!

2 Tesalonisensenan 1:9

Nan kastigu lo ta destrukshon eterno i nan lo ta alehá for di presensia di Señor, for di su poder glorioso.

Hudas 1:13

Sí, nan ta manera ola brutu di laman, ku ta lanta skuma di nan aktonan bergonsoso manda laria! Nan ta strea ku a pèrdè kaminda i Dios a reservá un lugá eterno pa nan den e skuridat di mas profundo.

Marko 12:40

Nan ta hòrta propiedat di biuda; i nan ta hasi orashon largu djis pa bista di hende. Ma nan sentensia lo ta hopi mas pisá!’

Mateo 25:46

Wèl, esnan akí lo risibí kastigu eterno, ma e hendenan ku a biba bon ku Dios lo risibí bida eterno.’

Hudas 1:7

Kòrda tambe riba Sódoma i Gomora i e siudatnan den nan bisindario. Nan hendenan tambe a kometé inmoralidat seksual; nan a sigui bisio ku ta bai kontra naturalesa. P'esei nan kastigu ta: kima eternamente den kandela komo un atvertensia pa tur hende.

Mateo 9:3

Awor algun dòktor di lei a bisa otro: ‘E hòmber akí ta blasfemá Dios!’

Marko 3:30

Hesus a bisa asina pasobra nan a bisa ku E tabata poseé pa mal spiritu.