Kolosensenan 3:5 - Beibel na Papiamentu Koriente 2013

⁵ P'esei mata tur loke ta di e mundu akí den boso: inmoralidat seksual, indesensia, pashon, deseo malu i avarisia, ku ta igual na idolatria.

Papiamentu Bible 2013

⁵ P'esei mata tur loke ta di e mundu akí den boso: inmoralidat seksual, indesensia, pashon, deseo malu i avarisia, ku ta igual na idolatria.

Kolosensenan 3:5 Referans Kwoze

Romanonan 8:13

Pasobra si boso biba segun boso mal deseonan, sigur sigur boso lo muri, pero si, pa medio di Spiritu Santu, boso pone un fin na e práktikanan di maldat, boso lo biba!

Galatanan 5:24

Esnan ku ta pertenesé na Kristu-Hesus, ya a krusifiká e hende pekadó den nan mes, huntu ku su pashon- i mal deseonan.

Romanonan 6:13

Ni no entregá niun parti di boso kurpa na piká komo instrumento di maldat. Al kontrario, someté boso na Dios, manera hende ku a muri i bolbe biba, i entregá kada parti di boso kurpa komo instrumento pa hasi loke ta hustu den bista di Dios.

1 Pedro 2:11

Rumannan stimá, mi ke hasi e siguiente apelashon na boso ku ta strañero i bishitante den e mundu akí: No entregá boso na pashon baho ku semper ta na guera ku hende su alma.

1 Korintionan 6:18

Evitá inmoralidat seksual. Niun otro piká no ta afektá hende su kurpa, ma e hende ku ta hasi su mes kulpabel na inmoralidat, ta peka kontra su mes kurpa.

Efesionan 4:19

Nan a pèrdè bèrgwensa i a entregá nan mes, sin niun kòntròl, na bisio pa hasi tur klase di impuresa.

2 Korintionan 12:21

Tambe mi ta teme ku ora mi bini, mi Dios lo bolbe humiliá mi dilanti di boso i ku lo mi mester yora pa tur esnan ku ya pa un tempu kaba ta biba den piká i ku no a bira lomba pa un bida parotin, pa inmoralidat i pashon.

Revelashon 21:8

Pero destino di e kobardenan, infielnan, perversonan, asesinonan, paranderonan, hasidónan di bruha, sirbidónan di dios falsu i tur gañadó, ta den e lago di kandela i suafel ku ta kima. Esaki ta di dos morto.’

Romanonan 7:23

pero di otro banda mi ta mira un otro lei den henter mi kurpa, ku ta kontra di Lei di Dios ku mi ke sigui ku mi mente. E otro lei ei ta e lei di piká den mi, ku tin mi kompletamente den su gara.

Mateo 15:19

For di kurason di hende ta sali: pensamentu malu, matamentu, kibramentu di fidelidat di matrimonio, inmoralidat, ladronisia, testimonio falsu i papiamentu riba hende.

Revelashon 22:15

Hende perverso, hasidó di bruha, parandero, asesino, sirbidó di dios falsu, tur hende ku gusta gaña i praktiká engaño, ta keda afó.

Hakobo 4:1

Di unda tur e pleitamentu i bringamentu ku otro ta bini? No ta di boso mal deseonan, ku ta lucha den boso paden?

1 Korintionan 6:13

Otro hende lo bisa: ‘Kuminda ta pa stoma i stoma pa kuminda!’ Sí, pero Dios lo kaba ku tur dos. Kurpa di hende no ta pa inmoralidat seksual, ma pa Señor i Señor ta proveé pa e kurpa:

Romanonan 6:6

Nos sa ku e hende ku nos tabata ántes a keda krusifiká huntu ku Kristu, pa kibra forsa di deseo pa hasi piká i pa nos no ta katibu di piká mas.

Hebreonan 13:4

Tur hende respetá matrimonio, i esposo i esposa keda fiel na otro. Pasobra Dios lo husga esnan ku ta praktiká inmoralidat seksual i ta kometé adulterio.

Hebreonan 12:16

Tene kuidou pa niun hende no kometé inmoralidat seksual ni ta indiferente pa kosnan sagrado, manera Esou, ku pa un solo kuminda a bende su derechonan di yu mayó.

1 Tesalonisensenan 4:3

Ta boluntat di Dios pa boso biba den un forma santu i keda leu for di inmoralidat.

1 Korintionan 5:1

Ta bon konosí ku ta reina inmoralidat serka boso, anto un tipo di inmoralidat asina baho ku bo no ta haña ni serka pagano mes: un di boso ta drumi ku su mes madrasa!

Romanonan 7:5

Pasobra tempu ku nos tabata sigui nos naturalesa pekaminoso, Lei di Moises tabata sirbi pa lanta mal deseo den kada parti di nos kurpa i nos a karga fruta ku tabata hiba na morto.

Romanonan 1:29

Nan ta yen di tur sorto di maldat, malisia, gana di kos i bisio; nan ta gusta envidiá, mata hende, pleita, gaña, kohe hende kabes abou i hasi redu.

Romanonan 1:26

Ya ku hende ta hasi e kosnan akí, Dios ta entregá nan na nan pashonnan bergonsoso. Pasobra asta e muhénan ta praktiká relashonnan seksual innatural na lugá di loke ta natural.

1 Tesalonisensenan 4:5

Boso no mester laga pashon i mal deseo dominá boso manera ta pasa ku hende ku no konosé Dios.

1 Korintionan 6:11

Ántes algun di boso tambe tabata asina. Ma den nòmber di Señor Hesu-Kristu, pa medio di Spiritu di nos Dios, boso a keda purifiká di piká, a keda dediká na Dios i El a aseptá boso komo hustu den su bista.

Kolosensenan 2:11

Den union ku Kristu boso a keda sirkunsidá, no na man di hende, pero pa medio di Kristu ku a kita boso naturalesa pekaminoso for di boso.

1 Timoteo 6:10

Pasobra amor pa plaka ta rais di tur sorto di maldat. Tin hende ku tabata asina haragan pa plaka ku nan a desviá di fe i kousa nan mes kurason tur sorto di doló.

Hebreonan 13:5

No biba pa plaka so, keda kontentu ku loke boso tin. Dios mes a bisa: ‘Mi no ta laga bo nunka bandoná.’

Éksodo 37:22

Tur kònòpi i brasa tabata trahá na un ku e kandelar: ún pida oro batí.