Huan 13:34 - Beibel na Papiamentu Koriente 2013

³⁴ Mi ta duna boso un mandamentu nobo: Stima otro! Manera Ami a stima boso, asina boso tambe mester stima otro.

Papiamentu Bible 2013

³⁴ Mi ta duna boso un mandamentu nobo: Stima otro! Manera Ami a stima boso, asina boso tambe mester stima otro.

Huan 13:34 Referans Kwoze

Efesionan 5:2

Biba den amor; tuma ehèmpel di Kristu ku a stima nos i a entregá su bida pa nos komo un sakrifisio ku ta hole dushi, un ofrenda ku ta agradá Dios.

Levítiko 19:18

No tuma vengansa ni warda renkor kontra bo paisano. Al kontrario, stima boso próhimo manera boso mes. Ami ta SEÑOR.

Huan 15:17

Esaki antó ta loke Mi ta manda boso hasi: stima otro.

1 Pedro 1:22

Boso a purifiká boso alma dor di obedesé e bèrdat i asina boso por stima otro manera ruman ku un amor sinsero; p'esei anto stima otro ku un kurason puru.

Galatanan 6:2

Boso un yuda otro ku su karga i asin'ei boso ta kumpli ku lei di Kristu.

1 Huan 3:23

Anto Dios su mandamentu ta: kere den e persona di su Yu Hesu-Kristu i stima otro manera El a manda nos.

1 Huan 4:21

Esun ku ta stima Dios mester stima su ruman tambe; esei ta e mandamentu ku nos a haña di djE.

Hakobo 2:8

Boso ta hasi bon, si di bèrdat boso atené boso na e lei supremo ku nos ta haña den Skritura, esta e Lei ku ta bisa: ‘Stima bo próhimo manera bo ta stima bo mes.’

1 Tesalonisensenan 3:12

I ku Señor laga boso amor pa otro i pa tur otro hende krese i bona, pa e bira meskos ku nos amor pa boso.

Romanonan 12:10

Stima otro di kurason, ku amor di ruman i sea esun promé pa respetá otro.

2 Huan 1:5

Awor mi ta pidi bo, Señora stimá, laga nos stima otro. Loke mi ta skibi boso no ta un mandamentu nobo, ma ta esun ku nos a risibí for di kuminsamentu.

Galatanan 6:10

P'esei antó, ki ora ku tin oportunidat, laga nos hasi bon pa tur hende, spesialmente pa nos rumannan den fe.

1 Huan 3:11

Ta e mensahe akí mes boso a tende for di kuminsamentu: ku nos mester stima otro.

Levítiko 19:34

Al kontrario, trat'é manera boso ta trata boso mes hendenan. Stim'é manera bo mes. Kòrda ku boso tambe a biba manera strañero na Egipto. Ami ta SEÑOR, boso Dios.

Hebreonan 13:1

Keda stima otro manera ruman den Kristu.

2 Tesalonisensenan 1:3

Rumannan, ta nos deber pa semper yama Dios danki pa boso. Anto ta bon pa hasi esei, pasobra boso fe ta kresiendo abundantemente i e stimashon ku boso tin pa otro ta oumentando.

Galatanan 5:22

Pero loke Spiritu di Dios ta generá den hende ta amor, goso, pas, pasenshi, amabilidat, bondat, fieldat,

2 Pedro 1:7

e rèspèt ei na kariño pa e rumannan i laga e kariño ei kondusí boso na amor pa tur hende.

Kolosensenan 1:4

Pasobra nos a tende di boso fe den Kristu-Hesus i di boso amor pa henter e pueblo santu.

Galatanan 5:6

Pasobra serka siguidónan di Kristu-Hesus no ta importante si un hende ta sirkunsidá òf nò. Ta e fe ku ta funshoná pa medio di amor ta konta.

Huan 17:21

Tata, mare nan tur por ta ún, manera Abo ta den Mi i Ami den Bo, pa asina nan por ta den nos, pa mundu kere ku Abo a manda Mi.

Salmo 119:63

Mi ta amigu di tur ku ta sirbi Bo, ku ta kumpli ku bo òrdunan.

Salmo 16:3

Esnan ku na tera ta pasa pa ‘santu’ i pa ‘poderoso’, mi no tin lei ku nan.

Mateo 5:44

Ma Ami ta bisa boso: Stima boso enemigunan i resa pa esnan ku ta persiguí boso.

Romanonan 13:8

No debe niun hende nada. Laga amor ta e úniko kos ku boso debe otro. Pasobra esun ku stima su próhimo ta laga nifikashon berdadero di Lei di Moises sali na kla.

Romanonan 13:10

Esun ku ta stima su próhimo no ta hasié daño, p'esei stima otro ta igual na laga e nifikashon berdadero di Lei di Moises sali na kla.