Hebreonan 7:18 - Beibel na Papiamentu Koriente 2013

¹⁸ A abolí e preskripshon eksistente pasobra e tabata inútil i sin forsa:

Papiamentu Bible 2013

¹⁸ A abolí e preskripshon eksistente pasobra e tabata inútil i sin forsa:

Hebreonan 7:18 Referans Kwoze

Romanonan 8:3

Dios a hasi loke Lei di Moises no por a hasi, ya ku naturalesa pekaminoso di hende tabata stroba e Lei akí. Kiko Dios a hasi? El a kondená piká den hende dor di manda su mes Yu den kondishon di hende pekadó, komo sakrifisio pa kita piká.

Hebreonan 7:19

E lei no a hiba na perfekshon. Na lugá di esei a bini speransa pa algu mihó, un speransa ku ta hiba nos mas serka Dios.

Galatanan 4:9

Pero awor ku boso a siña konosé Dios, òf mihó bisá, awor ku Dios ker a konosé boso, kon ta posibel ku boso ta bolbe someté boso na e podernan spiritual débil i mizerabel ei? Akaso boso ke bolbe bira nan katibu atrobe?

1 Timoteo 4:8

pasobra entrenamentu físiko tin poko balor, pero un bida dediká na Dios tin hopi balor den tur sentido. Di un forma di biba asina bo por spera benefisio tantu den e bida akí komo den esun benidero.

Hebreonan 13:9

No laga tur sorto di teoria straño bruha boso. Pasobra ta bon ku nos kurason keda fortifiká dor di Dios su grasia i no dor di regla tokante kuminda; esnan ku a sigui e reglanan akí, no tabatin niun probecho di nan.

Galatanan 3:17

Mi ke men lo siguiente: Dios ya a sera un aliansa ku Abraham i a primintí di keda fiel na e aliansa ei. P'esei Lei di Moises, ku a bini 430 aña despues, no por a anulá e aliansa ei i kanselá e promesa ku Dios a hasi Abraham.

Galatanan 4:21

Boso ku ke someté boso na Lei di Moises, tende mi un kos aki: Boso no ta pone atenshon na loke Lei di Moises mes ta bisa?

Galatanan 3:15

Rumannan, mi ta bai duna boso un komparashon for di bida diario. Ora un hende sera un kontrakt i pone su firma bou di dje, niun hende no por anul'é òf pone algu aserka.

Romanonan 3:31

Ke men anto ku nos ta pone Lei di Moises un banda pa motibu di fe? Klaro ku nò! Al kontrario, nos ta duna Lei su berdadero balor.

Galatanan 3:21

Ke men antó ku Lei di Moises ta bai kontra e promesanan di Dios? Apsolutamente ku nò! Pasobra si tabata asina ku Dios a duna Lei pa hende por haña bida, e ora ei enberdat ta pa medio di Lei Dios lo a aseptá hende komo hustu!