Hakobo 4:1 - Beibel na Papiamentu Koriente 2013

¹ Di unda tur e pleitamentu i bringamentu ku otro ta bini? No ta di boso mal deseonan, ku ta lucha den boso paden?

Papiamentu Bible 2013

¹ Di unda tur e pleitamentu i bringamentu ku otro ta bini? No ta di boso mal deseonan, ku ta lucha den boso paden?

Hakobo 4:1 Referans Kwoze

1 Pedro 2:11

Rumannan stimá, mi ke hasi e siguiente apelashon na boso ku ta strañero i bishitante den e mundu akí: No entregá boso na pashon baho ku semper ta na guera ku hende su alma.

Galatanan 5:17

Pasobra mal deseo ta bringa Spiritu di Dios i E ta bringa nan! Esun ta bai kontra di e otro, ke men ku boso no por djis hasi loke boso ke!

Romanonan 7:23

pero di otro banda mi ta mira un otro lei den henter mi kurpa, ku ta kontra di Lei di Dios ku mi ke sigui ku mi mente. E otro lei ei ta e lei di piká den mi, ku tin mi kompletamente den su gara.

Romanonan 8:7

Esnan ku un moda di pensa dominá pa nan naturalesa pekaminoso, ta enemigu di Dios, pasobra nan no ta someté nan na su lei ni nan no por tampoko.

Hakobo 1:14

Pero un hende ta hañ'é den tentashon dor di su mes mal deseonan ku ta sedusié i koutiv'é.

Yeremías 17:9

No tin nada mas engañoso ku kurason humano. No tin kura pa e malesa ei. Ken ta kapas di skrudiñ'é?

1 Pedro 1:14

Manera yu obedesidu, no sigui e deseonan ku boso tabatin promé ku boso a konosé Dios.

Kolosensenan 3:5

P'esei mata tur loke ta di e mundu akí den boso: inmoralidat seksual, indesensia, pashon, deseo malu i avarisia, ku ta igual na idolatria.

2 Pedro 3:3

Na promé lugá boso mester sa ku den e último dianan lo tin hende ku ta hasi bofon. Nan ta hende ku ta sigui nan mes mal deseonan i

Hakobo 4:3

Te na ora boso pidiÉ mes, boso no ta haña tòg, pasobra boso ta pidi ku mal intenshon: boso ke dispidí loke boso haña pa satisfasé boso mal deseonan!

2 Pedro 2:18

Nan ta blabla kosnan arogante i estúpido, i ta usa mal deseo i un bida inmoral pa gara esnan ku apénas a logra hui di hende ku a desviá den bida.

Tito 3:3

Pasobra un tempu nos mes tambe tabata insensato i desobedesidu. Nos tabata engañá i tabata katibu di diferente pashon i plaser. Nos tabata biba ku malisia i envidia; hende tabata odia nos i nos mes tabatin rabia riba otro.

Tito 3:9

Pero evitá kontroversia kèns, diskushon riba lista di antepasado, i pleitu i desakuerdo tokante loke Lei di Moises ta siña. E kosnan ei ta sin balor i sin sentido.

Romanonan 7:5

Pasobra tempu ku nos tabata sigui nos naturalesa pekaminoso, Lei di Moises tabata sirbi pa lanta mal deseo den kada parti di nos kurpa i nos a karga fruta ku tabata hiba na morto.

Mateo 15:19

For di kurason di hende ta sali: pensamentu malu, matamentu, kibramentu di fidelidat di matrimonio, inmoralidat, ladronisia, testimonio falsu i papiamentu riba hende.

Huan 8:44

Diabel ta boso tata i boso ke pone e deseonan di boso tata den práktika. E ta un matadó for di kuminsamentu, i nunka e no a aten'é na bèrdat, pasobra e no tin bèrdat den dje. Ora ku e gaña, e ta gaña di naturalesa, pasobra e ta un gañadó i tata di mentira.

2 Timoteo 2:23

Rechasá diskushon sin pia sin kabes, pasobra manera bo sa, nan ta kaba na pleitu.