Efesionan 5:11 - Beibel na Papiamentu Koriente 2013

¹¹ No partisipá na e aktonan inútil di hende ku ta biba den skuridat, pero eksponé nan aktonan!

Papiamentu Bible 2013

¹¹ No partisipá na e aktonan inútil di hende ku ta biba den skuridat, pero eksponé nan aktonan!

Efesionan 5:11 Referans Kwoze

Romanonan 13:12

Ta lat den anochi kaba i di dia ta serka di habri; p'esei ban pone tur obra di skuridat un banda i bisti armadura di lus.

1 Timoteo 5:20

Skual e ansianonan, ku ta sigui den piká, públikamente, ya e otronan ta kohe kurpa.

2 Tesalonisensenan 3:6

Rumannan, den nòmber di nos Señor Hesu-Kristu, nos ta ordená boso pa no anda ku niun ruman ku ta hiba un bida indisipliná i no di akuerdo ku e instrukshonnan ku nos a duna nan.

Romanonan 16:17

Rumannan, mi ta roga boso pa tene kuidou ku esnan ku ta trese diskordia i ta pone otro hende kai den piká. Loke nan ta hasi ta bai kontra e siñansa risibí. Keda leu for di nan!

Revelashon 18:4

E ora ei mi a tende un otro stèm for di shelu, ku a bisa: ‘Sali fo'i dje, mi pueblo! Sino boso ta bira kómplise di su pikánan i e plaganan ku ta bini riba dje, lo afektá boso tambe.

Tito 2:15

Papia di tur e kosnan ku mi a bisa akí i usa nan pa kurashá i refutá, ku tur outoridat. No laga niun hende despresiá bo.

2 Tesalonisensenan 3:14

Wak ken no ke obedesé loke nos a bisa den e karta akí. No asosiá kuné, ya esei ta brongos'é.

Romanonan 6:21

Pero kiko boso a gana ku e kosnan ku awor ta un bèrgwensa pa boso? Morto!

2 Timoteo 4:2

prediká e palabra, insistí ku mester proklam'é na momento oportuno i inoportuno, ku tur pasenshi ku instrukshon ta eksigí, konvensé, koregí i kurashá hende.

2 Timoteo 3:5

Nan lo hasi manera nan ta mashá ku Dios, kaba nan a nenga e poder real di fe kristian. Keda leu for di hende asina,

Galatanan 6:8

Es ku sembra den kunuku di su mal deseonan, lo kosechá destrukshon, ma es ku sembra den loke ta di Spiritu Santu, lo kosechá bida eterno.

Proverbionan 29:1

Hende ku keda tèrko apesar di korekshon, n'un momento dado ta haña asin'un kastigu, ku n' tin awa pa lab'é mas.

Proverbionan 13:18

Es ku despresiá konseho ta hañ'é ku pobresa i bèrgwensa, es ku aseptá korekshon ta keda respetá.

Levítiko 19:17

No karga odio den boso kurason kontra ningun ruman, ma sí papia abiertamente ku otro ora algu ta malu, pa boso no ta mes kulpabel kuné.

1 Tesalonisensenan 5:7

Pasobra esnan ku ta drumi, ta drumi anochi! Anto esnan ku ta bebe burachi, ta bebe burachi anochi!

Lukas 3:19

Ma ora el a skual gobernante Heródes tokante e asuntu di Heródias, kasá di Heródes su mes ruman, i tambe tokante tur su sobrá malisianan,

Efesionan 5:7

P'esei antó no sea kómplise di e hendenan ei!

Efesionan 4:22

A siña boso pa pone boso bida di ántes un banda, esta e hende ku boso tabata ántes, ku tabata putri kaba na nada, pasobra e tabata deseá loke ta engañoso.

Isaías 29:21

esnan ku ta lanta testimonio falsu kontra otro, esnan ku ta changa defensornan ku preguntanan engañoso den korte di hustisia, esnan ku ta purba kohe hende, ku ta buska nan derecho, kabes abou.

Proverbionan 25:12

Un skual huisioso i orea ku ta skucha; esun t'un renchi, e otro un kadena di e oro mas puru.

Salmo 141:5

Si bon hende kastigá mi i skual mi pa mi bon, ta perfume pa kabes i mi no ta neng'é. Ma apesar di nan maldatnan ami ta sigui resa.

Génesis 20:16

Sara el a bisa: ‘Mi ta duna bo ruman mil plaka di plata pa proba bo bon nòmber. Tur hende ku ta huntu ku bo lo sa ku bo no a hasi nada malu.’

Proverbionan 19:25

Hende sin eksperensia den kosnan di bida ta siña ora kastigá esun ku a bira lomba pa hasi bondat, hende sabí ta siña ora koregié.

Proverbionan 15:12

Un hende ku a bira lomba pa Dios no gusta hende koregié, lo e no akudí na hende sabí.

Mateo 18:15

Si un ruman faya ku bo, bai serka dje i skual e, bo so kuné. Si e tende, bo a gana bo ruman bèk.

Yeremías 15:17

Nunka mi no tabata sinta den kompania di hende kontentu, ni hari ku nan; for di dia ku Bo a poderá di mi, mi ta biba un bida solitario yená ku bo rabia kontra e pueblo akí.

Proverbionan 1:31

P'esei boso lo kosechá loke boso a sembra, e skupi ku boso a skupi na shelu, ta kai den boso mes kara.

1 Timoteo 6:5

Tambe e ta trese diskushon entre hende ku mente korumpí ku a pèrdè tur sentido di bèrdat. Nan ta pensa ku sirbi Dios ta un manera pa bira riku!

Proverbionan 1:10

Yu, si pekadónan ke kalanchá bo, no tuma aden!

Proverbionan 28:4

Es ku n' ta wòri ku Dios su palabra, ta kurashá mal hende, pero es ku tene kuenta kunÉ, ta resistí nan.

Echonan 26:18

pa habri nan wowo di moda ku nan ta bira lomba pa skuridat i aseptá lus, bira lomba pa poder di Satanas i aseptá Dios. E ora ei lo pordoná nan nan piká i nan lo haña un lugá serka esnan ku ta pertenesé na Mi, pa motibu di nan fe den Mi.”

Efesionan 5:12

Bo ta haña asta bèrgwensa di menshoná e kosnan ku nan ta hasi den sekreto!

Kolosensenan 1:12

Gradisí Tata ku legria, pasobra El a prepará boso pa tuma parti na e benefisionan ku E ta warda den reino di lus pa e pueblo santu.

1 Timoteo 5:22

No pone man riba hende muchu lihé ni bira kómplise den piká di otro hende; tene bo mes puru.